കൊച്ചി: കെ.എസ്.ആര്.ടി.സി. ജീവനക്കാര്ക്ക് ശമ്പളവിതരണത്തിന് സര്ക്കാര് ധനസഹായം അനുവദിക്കണമെന്ന ഹൈക്കോടതി സിംഗിള് ബെഞ്ച് ഉത്തരവ് ഡിവിഷന് ബെഞ്ച് സ്റ്റേ ചെയ്തു. ശമ്പളം നല്കാന് ബാധ്യതയില്ലെന്ന് ചൂണ്ടിക്കാട്ടി സര്ക്കാര് ഡിവിഷന് ബെഞ്ചില് സമര്പ്പിച്ച അപ്പീലിലാണ് ഇടക്കാല ഉത്തരവുണ്ടായത്. കെ.എസ്.ആര്.ടി.സി. ശമ്പളവിതരണത്തിന് 103 കോടി രൂപ അനുവദിക്കണമെന്നും ഓണത്തിനുമുമ്പ് നടപടി വേണമെന്നുമായിരുന്നു സിംഗിള് ബെഞ്ച് ഉത്തരവിട്ടിരുന്നത്. ശമ്പളം മുടങ്ങാതെ നല്കണമെന്ന ജീവനക്കാരുടെ ഹര്ജിയിലായിരുന്നു ഉത്തരവ്.
കെ.എസ്.ആര്.ടി.സി. സര്ക്കാരിന്റെ മറ്റ് കോര്പറേഷനുകളെപ്പോലെ ഒരു കോര്പറേഷന് മാത്രമാണ്. അതിലെ ജീവനക്കാര്ക്ക് ശമ്പളം നല്കാന് ബാധ്യതയില്ലെന്നാണ് സര്ക്കാര് വാദിച്ചത്. റോഡ് ട്രാന്സ്പോര്ട്ട് കോര്പറേഷന്സ് നിയമപ്രകാരം സ്ഥാപിതമായതാണ് കെ.എസ്.ആര്.ടി.സി. മറ്റ് ബോര്ഡ്, കോര്പറേഷന് സ്ഥാപനങ്ങള്ക്ക് കൊടുക്കുന്ന പരിഗണന മാത്രമേ നല്കാനാകൂ. ധനസഹായമടക്കമുള്ള കാര്യങ്ങളില് കെ.എസ്.ആര്.ടി.സിക്ക് പ്രത്യേക പരിഗണന നല്കാനാകില്ലെന്നും അപ്പീലില് വ്യക്തമാക്കിയിരുന്നു.
