ബംഗളൂരു: അന്താരാഷ്ട്ര വാര്ത്താ ഏജന്സിയായ റോയിട്ടേഴ്സിലെ മലയാളി മാദ്ധ്യമ പ്രവര്ത്തകയെ തൂങ്ങി മരിച്ച നിലയില് കണ്ടെത്തി. കാസര്ഗോഡ് വിദ്യാനഗര് സ്വദേശിനിയായ ശ്രുതിയെയാണ്(28) ബെംഗളൂരുവിലെ താമസ സ്ഥലത്ത് തൂങ്ങിമരിച്ച നിലയില് കണ്ടെത്തിയത്. റോയിട്ടേഴ്സ് ബെംഗളൂരു ഓഫിസിലെ സബ് എഡിറ്ററാണ് ശ്രുതി. ബെംഗളൂരു നല്ലൂരഹള്ളി മെഫെയറിലെ അപ്പാര്ട്മെന്റില് ആയിരുന്നു ശ്രുതിയും ഭര്ത്താവ് അനീഷും താമസിച്ചിരുന്നത്. ശ്രുതി മരിച്ച ദിവസം അനീഷ് കണ്ണൂര് തളിപ്പറമ്പിനടുത്തെ ചുഴലിയിലെ സ്വന്തം വീട്ടില് ആയിരുന്നു. നാട്ടില് നിന്ന് അമ്മ ഫോണ് വിളിച്ചിട്ട് പ്രതികരണം ഉണ്ടാവാത്തതിനെ തുടര്ന്ന് നടത്തിയ പരിശോധനയിലാണ് ശ്രുതിയെ മരിച്ച നിലയില് കണ്ടെത്തിയത്.ശ്രുതിയുടെ മരണത്തില് ദുരൂഹത ആരോപിച്ച് ബന്ധുക്കള് രംഗത്തെത്തി. ദൂരൂഹത നീക്കണമെന്ന് ആവശ്യപ്പെട്ട് ബന്ധുക്കള് വൈറ്റ്ഫീല്ഡ് പോലീസ് സ്റ്റേഷനില് പരാതി നല്കിയിട്ടുണ്ട്.
റിപ്പോര്ട്ട്
ന്യൂസ് ഡെസ്ക്
