ന്യൂഡല്‍ഹി: രാജ്യത്ത് പ്രതിദിന രോഗബാധിതരുടെ എണ്ണം 1.20 ലക്ഷമായി. 59 ദിവസത്തെ ഏറ്റവും കുറഞ്ഞ കണക്കാണിത്. ശനിയാഴ്ച 3,380 പേരാണ് കൊവിഡ് ബാധിച്ച് മരിച്ചത്. അതേസമയം, പ്രതിദിന പൊസിറ്റിവിറ്റി നിരക്ക് 5.78 ശതമാനം ആയി കുറഞ്ഞു. രോഗമുക്തി നിരക്ക് 93.38 ശതമാനം ആയി ഉയരുകയും ചെയ്തിട്ടുണ്ട്.1,97,894 പേര്‍ കൊവിഡ് മുക്തരായി ആശുപത്രി വിട്ടു.ആകെ രോഗബാധിതരുടെ എണ്ണം 2,86,94,879 ആയി. ആകെ മരണം 3,44,082ആയി. 15,55,248 സജീവകേസുകളാണ് നിലവിലുളളത്.കഴിഞ്ഞ മാസത്തെ പകുതി കേസുകളും ഗ്രാമീണ മേഖലയിലാണ് റിപ്പോര്‍ട്ട് ചെയ്തത്. കര്‍ണാടകം, തമിഴ്‌നാട്, കേരളം എന്നീ സംസ്ഥാനങ്ങളിലാണ് ഏറ്റവുമധികം പ്രതിദിന കൊവിഡ് മരണങ്ങള്‍ ഇപ്പോള്‍ റിപ്പോര്‍ട്ട് ചെയ്യുന്നത്. മൂന്നാം തരംഗം ഉണ്ടാകാനുള്ള സാധ്യത കണക്കിലെടുത്ത് തയാറാക്കാന്‍ കേന്ദ്രം സംസ്ഥാനങ്ങള്‍ക്ക് നിര്‍ദേശം നല്‍കിയിട്ടുണ്ട്.