വൈദ്യുതി പദ്ധതി ഏറ്റെടുക്കുന്ന രാജ്യത്തെ ആദ്യത്തെ നഗരസഭാ സ്ഥാപനമായി ബ്രിഹന്‍മുംബൈ മുനിസിപ്പല്‍ കോര്‍പ്പറേഷന്‍

മുംബൈ: വൈദ്യുതി പദ്ധതി ഏറ്റെടുക്കുന്ന രാജ്യത്തെ ആദ്യത്തെ നഗരസഭാ സ്ഥാപനമായി ബ്രിഹന്‍മുംബൈ മുനിസിപ്പല്‍ കോര്‍പ്പറേഷന്‍ (ബിഎംസി).വൈതര്‍ന അണക്കെട്ടിന് നടുവില്‍ ഒരു ഹൈബ്രിഡ് പവര്‍ പ്ലാന്റ് സ്ഥാപിക്കാനുള്ള നിര്‍ദ്ദേശത്തിന് ബ്രിഹന്‍മുംബൈ മുനിസിപ്പല്‍ കോര്‍പ്പറേഷന്‍ (ബിഎംസി) അംഗീകാരം നല്‍കയിതോടെയാണിത്.ഹൈബ്രിഡ് സൗരോര്‍ജ്ജ നിലയം സ്ഥാപിക്കുന്നതിന് ഷാപൂര്‍ജി പല്ലോണ്‍ജിയും കമ്പനിയും മഹാലക്ഷ്മി കോണല്‍ ഉര്‍ജയും സംയുക്ത സംരംഭത്തെ നിയമിക്കാനുള്ള നിര്‍ദേശം തിങ്കളാഴ്ച സ്റ്റാന്‍ഡിംഗ് കമ്മിറ്റി പാസാക്കി. അടുത്ത 25 വര്‍ഷത്തേക്ക് യൂണിറ്റിന് 4.75 രൂപ നിരക്കില്‍ വൈദ്യുതി വാങ്ങാന്‍ ബിഎംസി ഈ കമ്പനികളുമായി കരാര്‍ ഒപ്പിടുകയും ചെയ്തിട്ടുണ്ട്. ദീര്‍ഘകാലമായി ആസൂത്രണം ചെയ്തിരുന്ന ജലവൈദ്യുത നിലയത്തിന് 20 മെഗാവാട്ട് ശേഷി ഉണ്ടെങ്കിലും ഫ്‌ലോട്ടിംഗ് സോളാര്‍ ഫോട്ടോവോള്‍ട്ടെയ്ക്ക് പവര്‍ പ്ലാന്റിന് 80 മെഗാവാട്ട് വരെ ഉത്പാദിപ്പിക്കാന്‍ കഴിയും. പദ്ധതി പൂര്‍ത്തിയാക്കാന്‍ 31 മാസമെടുക്കും. മൊത്തം 100 മെഗാവാട്ടില്‍, ഓഫീസുകളില്‍ വൈദ്യുതി വിതരണം വര്‍ദ്ധിപ്പിക്കാന്‍ സിവില്‍ ബോഡി പദ്ധതിയിട്ടിട്ടുണ്ട്