പനാജി: ഗോവയില് നടന്ന ലഹരിമരുന്ന് വേട്ടയിൽ 20,000 രൂപയുടെ ലഹരിമരുന്നുമായി രണ്ട് യുവാക്കളെ പോലീസ് പിടികൂടി.
അരംബോളിലാണ് സംഭവം. ഹിമാചല് പ്രദേശ് സ്വദേശികളായ വികാസ് രഞ്ജിത്, മഹേന്ദ്ര താക്കൂര് എന്നിവരാണ് ഗോവ പോലീസിന്റെ പിടിയിലായത്. ബീച്ചിനോട് ചേര്ന്ന് പ്രവര്ത്തിക്കുന്ന റസ്റ്റോറന്റ് നടത്തിപ്പുകാരാണ് ഇവർ.
രഹസ്യവിവരത്തിന്റെ അടിസ്ഥാനത്തില് പൊലീസ് നടത്തിയ റെയ്ഡിലാണ് ഇരുവരേയും പിടികൂടിയത്.
