കൊച്ചി: വന് പലിശ വാഗ്ദാനം ചെയ്ത് എറണാകുളം നോര്ത്ത് സ്വദേശിയില് നിന്ന് 50 ലക്ഷം രൂപ തട്ടിയെടുത്ത സംഭവത്തില് യുവതി അറസ്റ്റില്. ഇടുക്കി വണ്ടന്മേട് കൊച്ചറ പുളിക്കല് വീട്ടില് സോണിയമോള് സെബാസ്റ്റ്യനെ(38)ആണ് എറണാകുളം നോര്ത്ത് എസ്ഐ പി.പ്രമോദിന്റെ നേതൃത്വത്തിലുളള പോലീസ് സംഘം അറസ്റ്റ് ചെയ്തത്.
50 ലക്ഷം രൂപ ഡെപ്പോസിറ്റ് ചെയ്താല് 12 ശതമാനം പലിശ നല്കാമെന്ന് പറഞ്ഞ് വിശ്വസിപ്പിച്ചാണ് ഇവര് തട്ടിപ്പ് നടത്തിയത്
.
ഭാരത് ലജ്ന ഹൗസിംഗ് കോ ഓപ്പറേറ്റീവ് ലിമിറ്റഡ് കോതമംഗലം എന്ന സ്ഥാപനത്തില് 50 ലക്ഷം രൂപ ഡെപ്പോസിറ്റ് ചെയ്താല് 12 ശതമാനം പലിശ നല്കാമെന്ന് പറഞ്ഞ് വിശ്വസിപ്പിച്ചാണ് ഇവര് തട്ടിപ്പ് നടത്തിയത്. ഈ സ്ഥാപനത്തിന്റെ ജീവനക്കാരി എന്ന് സ്വയം പറഞ്ഞു പരിചയപ്പെടുത്തി എറണാകുളം നോര്ത്ത് സ്വദേശിയുടെ 50 ലക്ഷം രൂപ തട്ടിയെടുക്കുകയായിരുന്നു. സംസ്ഥാനത്തെ വിവിധ പോലീസ് സ്റ്റേഷനുകളില് ഇവര്ക്കെതിരെ സമാന കേസുകളുണ്ട്. ഇവരുടെ കൂട്ടാളികള്ക്കായി പോലീസ് അന്വേഷണം ആരംഭിച്ചു.
.
