ന്യൂഡല്ഹി: സിപിഎം സംസ്ഥാന സെക്രട്ടറി സ്ഥാനത്തു നിന്നും കോടിയേരി ബാലകൃഷ്ണന് ഒഴിയേണ്ടതില്ലെന്ന് സിപിഎം കേന്ദ്ര നേതൃത്വം തീരുമാനിച്ചു. കോടിയേരിയുടെ മകന് ബിനീഷിന്റെ പേരിലുള്ള കേസ് വ്യക്തിപരമായി നേരിടാനും സിപിഎം കേന്ദ്ര കമ്മിറ്റി നിര്ദേശിച്ചു.കേസിന്റെ പേരില് സെക്രട്ടറി സ്ഥാനം ഒഴിയുന്നത് എതിരാളികളെ സഹായിക്കുമെന്നും സിപിഎം കേന്ദ്ര കമ്മിറ്റി വിലയിരുത്തി.
കോടിയേരിയുടെ മകൻ ബിനീഷ് മയക്കുമരുന്നു കേസില് നിരപരാധിത്വം തെളിയിക്കട്ടെ എന്നാണ് നിലപാട്. കോടിയേരിക്കെതിരായ പ്രചരണങ്ങൾ ചെറുക്കുമെന്നും സിപിഎം വ്യക്തമാക്കി. കേന്ദ്ര ഏജന്സികളെ രാഷ്ട്രീയമായി ദുരുപയോഗം ചെയ്യുന്നുവെന്നും സിപിഎം വിലയിരുത്തി



