ന്യൂഡൽഹി: ചൈനീസ് അതിർത്തിയിലെ സംഭവവികാസങ്ങളുടെ പശ്ചാത്തലത്തിൽ പ്രധാനമന്ത്രി വിളിച്ചു ചേർത്തിരിക്കുന്ന സർവ്വകക്ഷിയോഗം യോഗം വെള്ളിയാഴ്ച ആഴ്ച വൈകിട്ട് 5 മണിക്ക് നടക്കും. കൊറോണാ സാഹചര്യത്തിൽ വീഡിയോ കോൺഫറൻസിംഗ് ആയിട്ടാണ് യോഗം നടക്കുക. നിയന്ത്രണരേഖയ്ക്ക് ഉള്ളിൽ വച്ച് 20 ഇന്ത്യൻ ജവാന്മാരെ ആക്രമണത്തിലൂടെ ചൈനീസ് സൈന്യം കൊലപ്പെടുത്തിയ സംഭവത്തിൽ പ്രത്യാഘാതം ഉണ്ടാകുമെന്ന് നരേന്ദ്രമോദി പ്രധാനമന്ത്രിമാരും ആയി നടത്തിയ വീഡിയോ കോൺഫറൻസിൽ വ്യക്തമാക്കിയിരുന്നു. ഈ സാഹചര്യത്തിൽ വിളിച്ചു ചേർത്തിരിക്കുന്ന സർവ്വകക്ഷിയോഗം സുപ്രധാന വിഷയങ്ങളിൽ ധാരണ കൈവരിക്കുമെന്നാണ് വിലയിരുത്തൽ. നിയന്ത്രണരേഖയ്ക്ക് ഉള്ളിൽ ചൈനീസ് സൈന്യം ആദ്യം നടപ്പാക്കിയ അക്രമം സംബന്ധിച്ച് രാഷ്ട്രീയ പാർട്ടികളുടെ നിലപാടുകൾ യോഗത്തിൽ വിശദീകരിക്കപ്പെടും. പാർട്ടികളുടെ നിലപാടുകൾ ജനങ്ങൾ ഗൗരവത്തോടെയാണ് പ്രതീക്ഷിക്കുന്നത്.
റിപ്പോര്ട്ട്
ന്യൂസ് ഡെസ്ക്
