ഔറംഗബാദ് നവംബർ 27: പ്രത്യയശാസ്ത്രപരമായി വ്യത്യസ്തമായ മൂന്ന് പാർട്ടികളെ ഒന്നിപ്പിച്ച് മഹാരാഷ്ട്രയിൽ സർക്കാർ രൂപീകരിക്കാൻ പവാർ അശ്രാന്തമായി പ്രവർത്തിച്ചതായി എൻസിപി നേതാവും പാർട്ടി വക്താവുമായ സുർജിത് സിംഗ് ഖുങ്കർ. ഈ പ്രായത്തിലും മഹാരാഷ്ട്രയുടെ താൽപര്യം സംരക്ഷിക്കാൻ പവാർ അധ്വാനിച്ചുവെന്ന് അദ്ദേഹം പറഞ്ഞു.
ബിജെപിയുടെ മുൻ മുഖ്യമന്ത്രി ദേവേന്ദ്ര ഫഡ്നാവിസ് മുഖ്യമന്ത്രി സ്ഥാനത്തിന്റെ ചുമതല ഏറ്റെടുത്തത്, ജനാധിപത്യ മൂല്യങ്ങൾക്കനുസൃതമല്ലെന്ന് അദ്ദേഹം ആരോപിച്ചു.
അടുത്തിടെയുണ്ടായ മഴയിൽ കർഷകർക്ക് കനത്ത നാശനഷ്ടമുണ്ടായതിനാൽ മഹാരാഷ്ട്ര ഇപ്പോഴും നിരവധി പ്രശ്നങ്ങൾ നേരിടുന്നുണ്ട്. സംസ്ഥാനത്തെ ജനങ്ങളുടെ ക്ഷേമത്തിനായി ഞങ്ങൾ പ്രവർത്തിക്കുമെന്നും അദ്ദേഹം പറഞ്ഞു.
മഹാരാഷ്ട്രയുടെ സമീപകാല രാഷ്ട്രീയ സംഭവവികാസങ്ങൾ ദേശീയ രാഷ്ട്രീയത്തെ തീർച്ചയായും സ്വാധീനിക്കുമെന്ന് ഒരു ചോദ്യത്തിന് മറുപടിയായി ഖുങ്കർ പറഞ്ഞു.
