ഭോപ്പാല്: മധ്യപ്രദേശില് കളിക്കുന്നതിനിടെ അബദ്ധത്തില് കുഴല്കിണറിനുള്ളിലേക്ക് വീണ മൂന്ന് വയസുകാരനെ രക്ഷിക്കാനുള്ള ശ്രമം തുടരുന്നു. മധ്യപ്രദേശ് സര്ക്കാരും സൈന്യവും സംയുക്തമായാണ് രക്ഷാപ്രവര്ത്തനം നടത്തുന്നത്.
മധ്യപ്രദേശിലെ നിവാരിയിലാണ് സംഭവം. 200 അടി താഴ്ചയുള്ള കുഴല്കിണറിനുള്ളിലേക്കാണ് കുട്ടി വീണത്. കഴിഞ്ഞ 48 മണിക്കൂറുകളായി കുട്ടി കുടുങ്ങി കിടക്കുകയാണ്.
രക്ഷാപ്രവർത്തനത്തിനായി കുട്ടിക്ക് ഓക്സിജന് സൗകര്യം ലഭ്യമാക്കി. കുഴല് കിണറിന് സമാന്തരമായി നിലവില് 60 അടിയോളം താഴ്ചയില് കുഴിയെടുത്തിട്ടുണ്ട്.
