പാലക്കാട് നവംബര് 4: വാളയാറില് പ്രായപൂര്ത്തിയാകാത്ത സഹോദരിമാരുടെ ദുരൂഹമരണവുമായി ബന്ധപ്പെട്ട് കേസില് ഉന്നതതല ഗൂഢാലോചന നടന്നതായി എഐസിസി ജനറല് സെക്രട്ടറി കെസി വേണുഗോപാല്. വാളയാര് പീഡനകേസില് സിബിഐ അന്വേഷണം വേണമെന്ന് ആവശ്യപ്പെട്ട് കെപിസിസി അധ്യക്ഷന് മുല്ലപ്പള്ളി രാമചന്ദ്രന് നടത്തുന്ന ഏകദിന ഉപവാസം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. നിയമം, പട്ടികജാതി, സാമൂഹ്യക്ഷേമം, ആഭ്യന്തര വകുപ്പുകള്ക്ക് വീഴ്ച പറ്റിയെന്നും അദ്ദേഹം കൂട്ടിച്ചേര്ത്തു.
കേരളത്തിന്റെ നിയമസംവിധാനം തകര്ന്നതിന്റെ ഉദാഹരണമാണ് വാളയാര് കേസെന്നും മുഖ്യമന്ത്രി രാജിവെയ്ക്കണമെന്നും അദ്ദേഹം പറഞ്ഞു.
