ന്യൂഡൽഹി, 2026 ജൂൺ 27 –

പ്രോട്ടോക്കോൾ വിഭാഗത്തിന്റെ വീഴ്ചയെ തുടർന്ന് പ്രതിപക്ഷ നേതാവ് പിണറായി വിജയന്റെ വിമാനയാത്ര മുടങ്ങി. ഡൽഹിയിൽ നിന്ന് കോഴിക്കോട്േക്ക് ഉച്ചയ്ക്ക് 2.50ന് പുറപ്പെടേണ്ടിയിരുന്ന ഇൻഡിഗോ വിമാനത്തിലായിരുന്നു യാത്ര ചെയ്യേണ്ടിയിരുന്നത്. ഡൽഹിയിൽ നടന്ന പോളിറ്റ് ബ്യൂറോ യോഗം പൂർത്തിയാകുന്നതിന് മുമ്പ് പാർട്ടി ആസ്ഥാനത്ത് നിന്ന് കേരള ഹൗസിലെത്തി ഉച്ചഭക്ഷണം കഴിച്ച ശേഷമാണ് വിമാനത്താവളത്തിലേക്ക് തിരിച്ചത്.

വിമാനത്താവളത്തിൽ എത്തിയ പിണറായി വിജയന് കൃത്യസമയത്ത് ബോർഡിംഗ് അറിയിപ്പ് ലഭിച്ചില്ലെന്നാണ് ഒപ്പമുണ്ടായിരുന്നവർ വ്യക്തമാക്കിയത്. പ്രതിപക്ഷ നേതാവ് എത്തുന്ന വിവരം പ്രോട്ടോക്കോൾ വിഭാഗം ഔദ്യോഗികമായി ഇൻഡിഗോ എയർലൈൻസിനെ അറിയിച്ചിരുന്നില്ലെന്നും ഇതാണ് യാത്ര മുടങ്ങാൻ കാരണമായതെന്നും അവർ പറഞ്ഞു.

രാത്രി വിമാനത്തിൽ കേരളത്തിലേക്ക് മടങ്ങും

യാത്ര മുടങ്ങിയതിനെ തുടർന്ന് പിണറായി വിജയൻ വിമാനത്താവളത്തിൽ തുടരുകയാണ്. രാത്രി 7.10നുള്ള വിമാനത്തിൽ കേരളത്തിലേക്ക് മടങ്ങാനാണ് തീരുമാനം. അതേസമയം, സംഭവത്തിൽ പ്രതികരിക്കാൻ പിണറായി വിജയൻ തയ്യാറായില്ല.