2026 ജൂൺ 5-ന് ദമനിൽ നടന്ന ചടങ്ങിൽ പ്രധാനമന്ത്രി ശ്രീ നരേന്ദ്ര മോദി ഏകദേശം ₹2,970 കോടി രൂപയുടെ വികസന പദ്ധതികൾ ഉദ്ഘാടനം ചെയ്യുകയും രാജ്യത്തിന് സമർപ്പിക്കുകയും പുതിയ പദ്ധതികൾക്ക് തറക്കല്ലിടുകയും ചെയ്തു.

.വികസന പദ്ധതികൾ

ആരോഗ്യം, വിമാന ഗതാഗതം, വിനോദസഞ്ചാരം, വിദ്യാഭ്യാസം, നഗര വികസനം, അടിസ്ഥാന സൗകര്യ വികസനം തുടങ്ങിയ മേഖലകളിലെ നിരവധി പദ്ധതികൾക്ക് തുടക്കമായി. ഈ പദ്ധതികൾ കേന്ദ്രഭരണ പ്രദേശത്തെ ജനങ്ങളുടെ ജീവിതനിലവാരം ഉയർത്തുകയും യുവാക്കൾക്ക് കൂടുതൽ അവസരങ്ങൾ സൃഷ്ടിക്കുകയും ചെയ്യുമെന്ന് പ്രധാനമന്ത്രി പറഞ്ഞു.

ഇന്ത്യയുടെ സാമ്പത്തിക വളർച്ച

2025-26 സാമ്പത്തിക വർഷത്തിൽ ഇന്ത്യ 7.7% വളർച്ച കൈവരിച്ചുവെന്നും 2026 മാർച്ച് 31-ന് അവസാനിച്ച പാദത്തിൽ 7.8% വളർച്ച രേഖപ്പെടുത്തിയതായും പ്രധാനമന്ത്രി വ്യക്തമാക്കി. ആഗോള പ്രതിസന്ധികൾക്കിടയിലും ഇന്ത്യ ശക്തമായി മുന്നേറുകയാണെന്ന് അദ്ദേഹം പറഞ്ഞു.

. ആരോഗ്യരംഗത്തെ നേട്ടങ്ങൾ

രാജ്യത്തെ 90 ശതമാനത്തിലധികം പ്രസവങ്ങൾ ആശുപത്രികളിൽ നടക്കുന്നുണ്ടെന്ന് അദ്ദേഹം പറഞ്ഞു.മിഷൻ ഇന്ദ്രധനുഷ് പദ്ധതിയിലൂടെ കുട്ടികളുടെ സമ്പൂർണ പ്രതിരോധ കുത്തിവയ്പ്പ് നിരക്ക് 60 ശതമാനത്തിൽ നിന്ന് ഏകദേശം 90 ശതമാനമായി ഉയർന്നതായി അദ്ദേഹം ചൂണ്ടിക്കാട്ടി.ആയുഷ്മാൻ ഭാരത് പദ്ധതിയിലൂടെ ദരിദ്രർക്കും മധ്യവർഗത്തിനും ₹5 ലക്ഷം വരെ സൗജന്യ ചികിത്സാ പരിരക്ഷ ലഭിക്കുന്നുവെന്നും പറഞ്ഞു.
.

ഹരിത ഊർജ്ജം

ദിയുവിലെ എല്ലാ സർക്കാർ കെട്ടിടങ്ങളും സൗരോർജ്ജം ഉപയോഗിച്ചാണ് പ്രവർത്തിക്കുന്നതെന്ന് പ്രധാനമന്ത്രി പറഞ്ഞു. വീടുകളിലും സൗരോർജ്ജ ഉപയോഗം വർധിപ്പിച്ച് അധിക വൈദ്യുതി വിറ്റ് വരുമാനം നേടാനുള്ള സാധ്യതകളെക്കുറിച്ചും അദ്ദേഹം സംസാരിച്ചു.

.വിദ്യാഭ്യാസവും നൈപുണ്യ വികസനവും

സ്മാർട്ട് ക്ലാസ് മുറികളും സ്വാമി വിവേകാനന്ദ എജുക്കേഷൻ ഹബും വികസിപ്പിച്ചതായി അദ്ദേഹം പറഞ്ഞു.ദമനിൽ പുതിയ നിഫ്റ്റ് ക്യാമ്പസ് സ്ഥാപിക്കുമെന്നും ഐടിഐയിൽ ആധുനിക സാങ്കേതിക കോഴ്സുകൾ ആരംഭിക്കുമെന്നും അറിയിച്ചു.
.

വിനോദസഞ്ചാരവും കായികരംഗവും

‘ദേഖോ അപ്നാ ദേശ്’ പോലുള്ള പദ്ധതികളിലൂടെ വിനോദസഞ്ചാരം വളരെയേറെ വർധിച്ചതായി അദ്ദേഹം പറഞ്ഞു. ദമൻ നൈറ്റ് മാർക്കറ്റ്, നമോ പാഥ് സീഫ്രണ്ട് തുടങ്ങിയ പദ്ധതികൾ പ്രദേശത്തിന് പുതിയ തിരിച്ചറിവ് നൽകുന്നുവെന്നും അദ്ദേഹം കൂട്ടിച്ചേർത്തു.

 വ്യവസായവും എംഎസ്എംഇ.മേഖലയും

ദാദ്രാ ആൻഡ് നഗർ ഹവേലിയെ രാജ്യത്തെ പ്രധാന മനുഷ്യനിർമിത നാരുകളുടെ (Man-Made Fibre) കേന്ദ്രമായി വിശേഷിപ്പിച്ച അദ്ദേഹം, MSME മേഖലയ്ക്ക് സർക്കാർ തുടർച്ചയായ പിന്തുണ നൽകുന്നുണ്ടെന്നും ഭാവിയിൽ ഈ പ്രദേശം വലിയ നിർമ്മാണ കേന്ദ്രമാകുമെന്നും ആത്മവിശ്വാസം പ്രകടിപ്പിച്ചു.

.ദമൻ, ദിയു, ദാദ്രാ-നഗർ ഹവേലി പ്രദേശങ്ങൾ അതിവേഗ വികസന പാതയിലാണ് മുന്നേറുന്നതെന്നും കേന്ദ്ര സർക്കാർ ജനങ്ങളുടെയും യുവാക്കളുടെയും സംരംഭകരുടെയും സ്വപ്നങ്ങൾ സാക്ഷാത്കരിക്കാൻ എപ്പോഴും ഒപ്പമുണ്ടാകുമെന്നും പ്രധാനമന്ത്രി പറഞ്ഞു.