വയനാട് | തനിച്ചു താമസിക്കുന്ന വയോധിക വീട്ടില് കൊല്ലപ്പെട്ട നിലയില്. വയനാട് വെണ്ണിയോട് വൈപ്പടി സ്വദേശിനി ഫാത്തിമ (85) ആണ് മരിച്ചത്. മോഷണശ്രമത്തിനിടെയാണ് കൊലപാതകം എന്ന് സംശയിക്കുന്നതായി പോലീസ് അറിയിച്ചു. ഫാത്തിമയുടെ മാലയും കമ്മലുമടക്കമുള്ള സ്വര്ണാഭരണങ്ങള് കവര്ച്ച ചെയ്യപ്പെട്ടിട്ടുണ്ടെന്നാണ് വിവരം.
ഇവര് ഈ വീട്ടില് ഒറ്റയ്ക്കായിരുന്നു താമസം
മൃതദേഹം മാനന്തവാടി മെഡിക്കല് കോളജിലേക്ക് മാറ്റി. അടുത്ത വീട്ടില് താമസിക്കുന്ന ഇളയ മകന് ഉസ്മാന് വീട്ടിലെത്തിയപ്പോഴാണ് മുറിയില് ഫാത്തിമയെ മരിച്ച നിലയില് കണ്ടെത്തിയത്. ഇവര് ഈ വീട്ടില് ഒറ്റയ്ക്കായിരുന്നു താമസം. സംഭവത്തില് അസ്വാഭാവികതയുണ്ടെന്നും വിശദമായ അന്വേഷണം ആരംഭിച്ചിട്ടുണ്ടെന്നും കമ്പളക്കാട് പോലീസ് അറിയിച്ചു.
