കീവ്: റഷ്യ ഫോസ്ഫറസ് ബോംബ് പ്രയോഗിച്ചതായി യുക്രൈൻ പ്രസിഡന്റ് വ്ലാദിമിര് സെലെന്സ്കി. വ്യാഴാഴ്ച രാവിലെ റഷ്യ യുക്രൈനില് ഫോസ്ഫറസ് ബോംബ് ഉപയോഗിച്ചതായി അദ്ദേഹം ആരോപിച്ചു. ഒരു പൊടി അന്തരീക്ഷത്തിലേക്ക് വ്യാപിക്കുകയും ഇത് ഓക്സിജനുമായി സമ്പര്ക്കത്തില് വരുമ്പോള് തീപിടിക്കുകയും ഗുരുതരമായ പൊള്ളലേല്ക്കുകയും ചെയ്യുകയായിരുന്നെന്ന് അദ്ദേഹം പറഞ്ഞു. ‘റഷ്യയുടെ യുക്രൈൻ അധിനിവേശം ഒരു മാസം പിന്നിടുന്ന സമയത്തും തങ്ങള്ക്ക് അടിയന്തര സൈനിക സഹായം നല്കണമെന്ന് നാറ്റോയോട് സെലെന്സ്കി ആവശ്യപ്പെട്ടു. ‘ജനങ്ങളെയും നമ്മുടെ നഗരങ്ങളെയും രക്ഷിക്കാന്, യുക്രൈന് നിയന്ത്രണങ്ങളില്ലാതെ സൈനിക സഹായം ആവശ്യമാണ്. അതുപോലെ റഷ്യ അവരുടെ മുഴുവന് ആയുധശേഖരവും ഞങ്ങള്ക്കെതിരേ നിയന്ത്രണങ്ങളില്ലാതെ ഉപയോഗിക്കുകയാണ്’ അദ്ദേഹം വീഡിയോ സന്ദേശത്തിലൂടെ നാറ്റോ പ്രതിനിധികളോട് പറഞ്ഞു.
റിപ്പോര്ട്ട്
ന്യൂസ് ഡെസ്ക്
