സന്ദർശനത്തിനിടെ വിവിധ പ്രൊഫഷണൽ ആശയവിനിമയങ്ങൾ, പരസ്പര കപ്പൽ സന്ദർശനങ്ങൾ, പ്രവർത്തനപരമായ ഇടപെടലുകൾ, കായിക പരിപാടികൾ, സമൂഹവുമായി ബന്ധപ്പെട്ട പ്രവർത്തനങ്ങൾ എന്നിവ നടക്കും. നാവികസേനകൾ തമ്മിലുള്ള സഹകരണവും ഒരുമിച്ച് പ്രവർത്തിക്കാനുള്ള ശേഷിയും കൂടുതൽ മെച്ചപ്പെടുത്തുകയാണ് ഇതിന്റെ ലക്ഷ്യം.

ഇന്ത്യയും തായ്‌ലൻഡും തമ്മിലുള്ള സൗഹൃദവും പരസ്പര സഹകരണവും ഉഭയകക്ഷി സമുദ്ര ബന്ധവും കൂടുതൽ ശക്തമാക്കാനാണ് ഈ തുറമുഖ സന്ദർശനം ലക്ഷ്യമിടുന്നത്. ഇന്ത്യയിൽ തന്നെ രൂപകൽപന ചെയ്ത് നിർമ്മിച്ച നാവികകപ്പലുകളുടെ സാങ്കേതിക മികവും നിർമ്മാണ ശേഷിയും ഇതിലൂടെ അവതരിപ്പിക്കും. പ്രതിരോധ സാങ്കേതിക രംഗത്ത് വിശ്വസ്ത പങ്കാളിയെന്ന നിലയിൽ ഇന്ത്യയുടെ വളരുന്ന കഴിവുകളും ഈ സന്ദർശനം എടുത്തുകാട്ടുന്നു.