തിരുവനന്തപുരം: ചീഫ് സെക്രട്ടറി വി.പി. ജോയിയും ഡിജിപി അനിൽ കാന്തും ഇന്ന് വിരമിക്കുകയാണ്. തൽസ്ഥാനങ്ങളിൽ സംസ്ഥാനത്തിന്റെ 48-ാമത് ചിഫ് സെക്രട്ടിറിയായി ഡോ. വി. വേണുവും പൊലീസിന്റെ 35 -മത് ഡിജിപിയായി ഡോ. ഷെയ്ഖ് ദർവേഷ് സാഹിബും അധികാരമേൽക്കും. ഇന്ന് വൈകിട്ട് തിരുവനന്തപുരത്തു നടക്കുന്ന യാത്രയയപ്പ് ചടങ്ങ് മുഖ്യമന്ത്രി പിണറായി വിജയൻ ഉദ്ഘാടനം ചെയ്യും.
ഡിജിപിയായ അനിൽകാന്ത് ഇന്ന് വൈകിട്ട് അഞ്ചുമണിയോടെ പൊലീസ് ആസ്ഥാനത്ത് ധീരസ്മൃതിഭൂമിയിൽ പുഷ്പചക്രം അർപിച്ച് സല്യൂട്ട് ചെയ്യും. തുടർന്ന് പൊലീസ് ആസ്ഥാനത്ത് എത്തുന്ന നിയുക്ത ഡിജിപി ഡോ. ഷെയ്ഖ് ദർവേഷ് സാഹിബ് ധീരസ്മൃതിഭൂമിയിൽ ആദരം അർപ്പിച്ച ശേഷം പൊലീസ് സേനയുടെ സലൂട്ട് സ്വീകരിക്കും. ശേഷം നിലവിലെ സംസ്ഥാന പൊലീസ് മേധാവി അനിൽകാന്തിൽ നിന്നും അധികാരദണ്ഡ് ഏറ്റുവാങ്ങി ചുമതലയേക്കും.
തുടർന്ന് നിലവിലെ പൊലീസ് മേധാവിയെ പുതിയ പൊലീസ് മേധാവിയും മുതിർന്ന പൊലീസ് ഉദ്യോഗസ്ഥരും ചേർന്ന് യാത്രയയക്കും. 2021 ലാണ് ചീഫ് സെക്രട്ടറി വി.പി. ജോയിയും ഡിജിപി അനിൽ കാന്തും അധികാരത്തിലെത്തിയത്.
