കൊച്ചി: ഇടമലയാറില് ജലനിരപ്പ് ഉയരുന്ന സാഹചര്യത്തില് ചൊവ്വാഴ്ച രാവിലെ 10ന് ഡാം തുറന്ന് വെള്ളം പുറത്തേക്കൊഴുക്കും. ഡാമില് 07/08/22 രാത്രി 11 മണിയോടെ റെഡ് അലര്ട്ട് വേണ്ടി വരുമെന്നാണ് വിലയിരുത്തല്. ആദ്യം 50 ക്യുമെക്സ് ജലവും തുടര്ന്ന് 100 ക്യുമെക്സ് ജലവുമാണ് തുറന്നുവിടുക.ഇടമലയാര് ഡാം തുറന്നാല് വെള്ളം ആദ്യമൊഴുകി എത്തുന്നത് ഭൂതത്താന്കെട്ട് ബാരേജിലേക്കാണ്. ബാരേജിന്റെ എല്ലാ ഷട്ടറുകളും നിലവില് തുറന്നിരിക്കുകയാണ്. പെരിയാറിലെത്തുന്ന ജലം ഏഴു മണിക്കൂറിനകം നെടുമ്പാശേരി ഭാഗത്തെത്തുമെന്നാണ് കരുതുന്നത്.
ഇടുക്കി ഡാമില് മഴ തുടരുന്നതിനാല് ഇവിടെ നിന്നും ഒഴുക്കി വിടുന്ന ജലത്തിന്റെ പരിധി 200 ക്യുമെക്സ് ആക്കി ഉയര്ത്തുമെന്നും അറിയിപ്പ് ലഭിച്ചിട്ടുണ്ട്.രണ്ട് ഡാമുകളില് നിന്നുള്ള ജലവും പെരിയാറിലെത്തുമെങ്കിലും ആശങ്കപ്പെടേണ്ട സാഹചര്യം നിലവിലില്ല. എന്നാല് ജനങ്ങള് ജാഗ്രത പാലിക്കണം. ജനപ്രതിനിധികളും വിവിധ വകുപ്പ് ഉദ്യോഗസ്ഥരും സജ്ജരായിരിക്കണം.
