ഇടുക്കി: സി.പി.ഐ.എം തിരുവനന്തപുരം ജില്ലാ സമ്മേളനത്തിന്റെ ഭാഗമായി നടത്തിയ മെഗാ തിരുവാതിരക്കളി ഒഴിവാക്കാമായിരുന്നു എന്ന് സി.പി.ഐ.എം സംസ്ഥാന സെക്രട്ടറി കോടിയേരി ബാലകൃഷ്ണന്.
കണ്ണൂരില് കൊല്ലപ്പെട്ട എസ്.എഫ്.ഐ പ്രവര്ത്തകനും ഇടുക്കി എഞ്ചിനീയറിംഗ് കോളേജ് വിദ്യാര്ഥിയുമായ ധീരജിന്റെ വീട് സന്ദര്ശിച്ചതിന് ശേഷം മാധ്യമപ്രവര്ത്തകരെ കാണുകയായിരുന്നു കോടിയേരി.
ഇടുക്കിയിലെ എസ്.എഫ്.ഐ പ്രവര്ത്തകന് ധീരജിന്റെ മൃതദേഹം വഹിച്ചുകൊണ്ടുള്ള വിലാപയാത്രയുടെ സമയത്ത് തന്നെ സി.പി.ഐ.എം ജില്ലാ സമ്മേളനത്തിന്റെ ഭാഗമായി നടത്തിയ മെഗാ തിരുവാതിരക്കളിക്കെതിരെ വിമര്ശനമുയര്ന്നിരുന്നു.
കൊവിഡ് പ്രോട്ടോക്കോള് പാലിക്കാത്തിന്റെ പേരിലും തിരുവാതിരക്കെതിരെ വിമര്ശനമുയര്ന്നു. സി.പി.ഐ.എം പോളിറ്റ് ബ്യൂറോ അംഗം എം.എ. ബേബി, സി.പി.ഐ.എം ജില്ലാ സെക്രട്ടറി ആനാവൂര് നാഗപ്പന് എന്നിവരുടെ സാന്നിധ്യത്തിലായിരുന്നു തിരുവാതിര അരങ്ങേറിയത്.
അതേസമയം ധീരജിനെ അപമാനിക്കുന്ന പരാമര്ശം നടത്തിയ കെ.പി.സി.സി പ്രസിഡന്റ് കെ. സുധാകരനെ കോടിയേരി വിമര്ശിച്ചു.
