ഹൈദരാബാദ്: കുനൂരില് ഹെലികോപ്റ്റര് അപകടത്തില് മരിച്ച നാല് പേരുടെ ഡിഎന്എ പരിശോധന കൂടി പൂര്ത്തിയായതോടെ അപകടത്തില് മരിച്ച എല്ലാവരുടെയും മൃതദേഹങ്ങള് തിരിച്ചറിഞ്ഞു. അതേ സമയം അപകടത്തില് ഗുരുതരമായി പരക്കേറ്റ ഗ്രൂപ്പ് ക്യാപ്റ്റന് വരുണ് സിങിന്റെ നില മാറ്റമില്ലാതെ തുടരുകയാണ്. മരുന്നുകളോട് പ്രതികരിക്കുന്നുണ്ടെങ്കിലും രക്തസമ്മര്ദത്തില് വ്യത്യാസം ഉണ്ടാകുന്നത് ആശങ്ക സൃഷ്ടിക്കുന്നുണ്ട്. ബെംഗളൂരുവിലെ വ്യോമസേന കമാന്ഡ് ആശുപത്രിയില് തീവ്രപരിചരണ വിഭാഗത്തില് ചികിത്സയിലാണ് ഇദ്ദേഹം. സംയുക്ത സൈനിക മേധാവിയായിരുന്ന ബിപിന് റാവത്ത് അടക്കം 13 പേരുടെ മരണത്തിന് ഇടയാക്കിയ ഹെലികോപ്റ്റര് ദുരന്തത്തെ കുറിച്ചുള്ള അന്വേഷണത്തിന്റെ പ്രാഥമിക റിപ്പോര്ട്ട് ഒരാഴ്ചയ്ക്കുള്ളില് തയ്യാറായേക്കുമെന്നാണ് അറിയുന്നത്.
റിപ്പോര്ട്ട്
ന്യൂസ് ഡെസ്ക്
