തന്റെ ജീവന് ഭീഷണിയുണ്ടെന്ന് കിറ്റക്സ് ഉടമ സാബു ജേക്കബ്. രാഷ്ട്രീയ പാർട്ടികൾക്ക് പിരിവ് നൽകാത്തതിനും ഇഷ്ടക്കാരായ അനർഹർക്ക് ജോല നൽകാത്തതുമൊക്കെ എന്നെ ഉപദ്രവിക്കാൻ പല സമയങ്ങളിലായി കാരണങ്ങളായെന്നും സാബു എം ജേക്കബ് പറയുന്നു.
അതേസമയം 03/07/2021 ശനിയാഴ്ച്ച വൈകീട്ടും തൊഴില് വകുപ്പ് നോട്ടീസ് നല്കിയെന്ന് സാബു എം ജേക്കബ് ആരോപിച്ചു. 76 നിയമങ്ങള് ലംഘിച്ചു എന്ന് കാണിച്ചാണ് നോട്ടീസ് നല്കിയത്. ഉദ്യോഗസ്ഥരുടെ തെറ്റുകള് തെളിയിച്ചാല് നടപടിയെടുക്കുമോ. പദ്ധതി ഉപേക്ഷിക്കുന്നു എന്ന് പറഞ്ഞു മൂന്ന് ദിവസം കഴിഞ്ഞാണ് സര്ക്കാര് ഇടപെടുന്നത്. 26 വര്ഷം 76 നിയമങ്ങള് ലംഘിച്ചാണോ പ്രവര്ത്തനം നടത്തിയതെന്ന് സര്ക്കാര് പറയണം. വിളിച്ചാല് കിട്ടില്ലെന്ന മന്ത്രിയുടെ ആരോപണം തെറ്റെന്നും അദ്ദേഹം വ്യക്തമാക്കി.
