തിരുവനന്തപുരം: കൊവിഡ് വ്യാപനം രൂക്ഷമായതോടെ സംസ്ഥാനത്ത് പ്രാദേശിക ലോക്ഡൗണ് ഏര്പ്പെടുത്തേണ്ടി വരുമെന്ന മുന്നറിയിപ്പുമായി ആരോഗ്യ മന്ത്രി കെകെ ശൈലജ ടീച്ചര്. ”ആശങ്കാജനകമായ സാഹചര്യമാണ് നിലവിലുള്ളത്. സമ്പൂര്ണ ലോക്ഡൗണ് ഇനി പ്രായോഗികമല്ല. ഇനിയും ലോക്ഡൗണിലേക്ക് പോകുക എന്നത് ബുദ്ധിമുട്ടുള്ള കാര്യമാണ്. ആളുകളുടെ ജീവന് രക്ഷിക്കുക എന്നതിനൊപ്പം ജീവിതോപാധിയും സംരക്ഷിക്കേണ്ടതുണ്ട്. ഏതെങ്കിലും മേഖലകളില് രോഗം കൂടുതലായി റിപ്പോര്ട്ട് ചെയ്താല് അവിടെ പ്രാദേശിക ലോക്ഡൗണ് പ്രഖ്യാപിക്കേണ്ടി വരും.”- മന്ത്രി 15/04/21 വ്യാഴാഴ്ച പറഞ്ഞു.
സംസ്ഥാനത്ത് വാക്സിന് ക്ഷാമമുണ്ടെന്നും ശൈലജ ടീച്ചര് പറഞ്ഞു. 50 ലക്ഷം ഡോസ് ചോദിച്ചിട്ട് അതിന്റെ പകുതി പോലും കേന്ദ്രസര്ക്കാരില് നിന്ന് ലഭിച്ചിട്ടില്ല. ഇക്കാര്യം കേന്ദ്രത്തെ അറിയിച്ചിട്ടുണ്ട്. അടുത്ത ദിവസങ്ങളില് വാക്സിന് ലഭിച്ചില്ലെങ്കില് മാസ് വാക്സിനേഷന് ക്യാമ്പ് അവതാളത്തിലാകുമെന്നും മന്ത്രി പറഞ്ഞു.
