കൊല്ക്കത്ത: തൃണമൂല് കോണ്ഗ്രസ് നേതാവായ ബന്ധുവിന്റെ വീട്ടില് ഇലക്ട്രോണിക് വോട്ടിങ് മെഷീനുമായി എത്തി കിടന്നുറങ്ങിയ പോളിങ് ഓഫീസറെ തെരഞ്ഞെടുപ്പ് കമ്മീഷന് സസ്പെന്ഡ് ചെയ്തു. ഹൗറ സെക്ടറിലെ ഒരു ബൂത്തിലുള്ള പോളിങ് ഓഫീസര് തപന് സര്ക്കാരിനെതിരെയാണ് തിരഞ്ഞെടുപ്പ് കമ്മീഷന് നടപടിയെടുത്തത്. രാത്രി ഉറങ്ങാനായി ബന്ധുവായ തൃണമൂല് നേതാവിന്റെ വീട്ടിലേക്ക് പോയപ്പോള് ഇയാള് വോട്ടിങ് മെഷീനും കൊണ്ടുപോയെന്നാണ് കണ്ടെത്തിയിട്ടുള്ളത്. അതേസമയം ഇയാള് കൊണ്ടുപോയ ഇലക്ട്രോണിക് വോട്ടിങ് മെഷീനും വിവിപാറ്റും തിരഞ്ഞെടുപ്പിന് ഉപയോഗിച്ചില്ലെന്ന് കമ്മീഷന് വ്യക്തമാക്കി. സ്ഥലത്ത് സുരക്ഷാ ചുമതലുയള്ള പൊലീസ് ഉദ്യോഗസ്ഥരും നടപടി നേരിടേണ്ടി വരുമെന്ന് അധികൃതര് വ്യക്തമാക്കി. പോലീസുകാര്ക്കെതിരെ നടപടി സ്വീകരിക്കാന് തെരഞ്ഞെടുപ്പ് കമ്മീഷന് നിര്ദേശം നല്കിയിട്ടുണ്ട്.
റിപ്പോര്ട്ട്
ന്യൂസ് ഡെസ്ക്
