ന്യൂഡല്ഹി: തെന്നിന്ത്യന് താരവും കോണ്ഗ്രസ് വക്താവുമായ ഖുശ്ബു സുന്ദര് കോൺഗ്രസ്സ് വിട്ട് ബി ജെ പി യിൽ ചേർന്നു. തിങ്കളാഴ്ച (12/10/20) ഉച്ചയോടെ ഡൽഹിയിലെ ബി ജെ പി ആസ്ഥാനത്ത് നടന്ന ലളിതമായ ചടങ്ങിൽ വച്ച് അവർ ബി ജെ പി അംഗത്വം സ്വീകരിച്ചു.
കോണ്ഗ്രസിന്റെ പ്രാഥമിക അംഗത്വത്തില് നിന്ന് രാജിവെക്കുന്നതായി അറിയിച്ച് ഖുശ്ബു കോണ്ഗ്രസ് അധ്യക്ഷ സോണിയാ ഗാന്ധിക്ക് കത്തയച്ചിരുന്നു. ഇതിന് പിന്നാലെ ഖുശ്ബുവിനെ പാര്ട്ടി പദവിയില് നിന്ന് കോണ്ഗ്രസ് നീക്കുകയും ചെയ്തു.
എ.ഐ.സി.സി വക്താവ് സ്ഥാനത്ത് നിന്നാണ് പാര്ട്ടി ഖുശ്ബുവിനെ പുറത്താക്കിയത്. എന്നാല് ഇതിന് മുമ്പേ തന്നെ ഖുശ്ബു പാര്ട്ടി വിടുന്നതായി കാട്ടി കോണ്ഗ്രസ് അധ്യക്ഷ സോണിയാ ഗാന്ധിക്ക് കത്ത് നല്കിയിരുന്നു. പാര്ട്ടിയുമായി യോജിച്ച് പോകാനാകില്ലെന്ന് ചൂണ്ടിക്കാട്ടിയായിരുന്നു കത്ത്. പാര്ട്ടിയില് തനിക്ക് അര്ഹമായ പരിഗണനയോ സ്ഥാനമാനങ്ങളോ കിട്ടുന്നില്ലെന്ന് കത്തില് ഖുശ്ബു പറയുന്നുണ്ട്.
2014 ലെ തെരഞ്ഞെടുപ്പുകളില് പാര്ട്ടി തോല്വി നേരിട്ട ഘട്ടത്തിലാണ് ഞാന് കോണ്ഗ്രസിലെത്തിയത്. പണമോ സ്ഥാനമോ മോഹിച്ചല്ല പാര്ട്ടിയില് ചേര്ന്നത്. എന്നാല് ജനങ്ങളുമായി ഒരു ബന്ധവുമില്ലാത്ത നേതാക്കള് തലപ്പത്തിരുന്ന് കാര്യങ്ങള് തീരുമാനിക്കുകയും എന്നെപ്പോലുള്ളവരെ തഴയുകയുമാണ്. ഈ സാഹചര്യത്തില് പാര്ട്ടിയുമായുള്ള ബന്ധം അവസാനിപ്പിക്കുകയാണ്. കോണ്ഗ്രസില് എനിക്ക് അംഗത്വം നല്കിയതിനും രാജ്യത്തെ സേവിക്കാന് അവസരം നല്കിയതിലും രാഹുല് ഗാന്ധിയോട് നന്ദി പറയുന്നു. നിങ്ങളോടുള്ള ബഹുമാനം എനിക്കെന്നുമുണ്ടാകും’, കത്തില് ഖുശ്ബു പറയുന്നു.
