ലക്നൗ: ഉത്തര്പ്രദേശില് കൂട്ടബലാത്സംഗത്തിനിരയായ ദളിത് പെണ്കുട്ടി മരിച്ചു. ദല്ഹിയിലെ ആശുപത്രിയില് വെച്ച് 29/09/2020 ചൊവ്വാഴ്ച രാവിലെയാണ് മരണം സംഭവിച്ചത്.
പെണ്കുട്ടിയെ ദല്ഹിയിലെ ആശുപത്രിയില് തീവ്ര പരിചരണ വിഭാഗത്തില് പ്രവേശിപ്പിച്ചിരിക്കുകയായിരുന്നു. ഗുരുതരമായി പരിക്കേറ്റ കുട്ടിയുടെ നാക്ക് മുറിച്ച നിലയിലായിരുന്നു. പെണ്കുട്ടിയെ കഴുത്ത് ഞെരിച്ച് കൊല പ്പെടുത്താനും ശ്രമിച്ചിരുന്നു.
സംഭവത്തില് മേൽജാതിക്കാരായ നാല് പേരെ അറസ്റ്റ് ചെയ്തിരുന്നു. ഹത്രാസ് പൊലീസ് സ്റ്റേഷന് പരിധിയില്വെച്ചാണ് പ്രതികളെ അറസ്റ്റ് ചെയ്തത്. പെണ്കുട്ടിയുടെ മൊഴിയുടെ അടിസ്ഥാനത്തിലാണ് സന്ദീപ്, രാമു, ലവകുശ്, രവി എന്നീ പ്രതികളെ അറസ്റ്റ് ചെയ്തതെന്ന് എസ്.പി വിക്രാന്ത് വീര് അറിയിച്ചു.
ഈ നാലുപേരും ഇപ്പോള് പൊലീസ് കസ്റ്റഡിയിലാണെന്നും ചോദ്യം ചെയ്യലുകള് തുടരുകയാണെന്നും അദ്ദേഹം പറഞ്ഞു. പ്രതികള്ക്കെതിരെ ബലാത്സംഗത്തിനും വധശ്രമത്തിനും കേസെടുത്തിട്ടുണ്ട്.
14/09/2020 2020 തിങ്കളാഴ്ചയാണ് കേസിനാസ്പദമായ സംഭവം നടന്നത് പശുക്കൾക്കുള്ള തീറ്റ ശേഖരിക്കാന് പോയ സമയത്താണ് നാല്പേര് ചേര്ന്ന് തന്നെ ക്രൂരമായി പീഡിപ്പിച്ചതെന്ന് പെണ്കുട്ടി പൊലീസിന് മൊഴി നല്കിയിരുന്നു.
