തിരുവനന്തപുരം: പിഎസ്ഇ റാങ്ക് ലിസ്റ്റ് റദ്ദാക്കിയതിൽ മനംനൊന്ത് ഉദ്യോഗാര്ഥി ആത്മഹത്യ ചെയ്തു. തിരുവനന്തപുരം വെള്ളറട തട്ടിട്ടമ്പലം സ്വദേശി അനു ആണ് ആത്മഹത്യ ചെയ്തത്. കഴിഞ്ഞ എക്സൈസ് പരീക്ഷയില് അനുവിന് 77 ആം റാങ്ക് ലഭിച്ചിരുന്നു. എംകോം ബിരുദധാരിയാണ് അനു.
രാവിലെയാണ് മരണവിവരം പുറത്തറിഞ്ഞത്. കഴിഞ്ഞ ഏതാനും ദിവസങ്ങളായി റാങ്ക്ലിസ്റ്റ് റദ്ദാക്കപ്പെട്ടതില് മനംനൊന്ത് അനു വീടിന് പുറത്തുപോലും ഇറങ്ങാറില്ലായിരുന്നു എന്നാണ് കുടുംബം പറയുന്നത്.
അനുവിന്റെ ആത്മഹത്യാ കുറിപ്പിൽ ജോലി ഇല്ലാത്തത് മാനസികമായി തളര്ത്തിയെന്ന് എഴുതിയിട്ടുണ്ട്. കുറച്ചുദിവസമായി ആഹാരം വേണ്ട. ശരീരമൊക്കെ വേദന പോലെ. എന്ത് ചെയ്യണമെന്നറിയില്ല. കുറച്ചുദിവസമായി ആലോചിക്കുന്നു. ആരുടെ മുമ്പിലും ചിരിച്ച് അഭിനയിക്കാന് വയ്യ, എല്ലാത്തിനും കാരണം, ജോലി ഇല്ലായ്മയെന്നാണ് എന്നും അനുവിന്റെ ആത്മഹത്യാ കുറിപ്പിലുണ്ട്.
