ബെംഗളൂരു: ചെമ്മണ്ണൂര് ജ്വല്ലറി കവര്ച്ച കേസിലെ പ്രതിയും പമ്പ് ഉടമയുമായ മനീഷ് ഷെട്ടിയെ (46) ബംഗളൂരു നഗരമധ്യത്തില് അജ്ഞാതര് വെടിവെച്ചുകൊന്നു.
15 -10 -2020 വ്യാഴാഴ്ച രാത്രി ഒമ്പത് മണിയോടെയാണ് സംഭവം.
ബ്രിഗേഡ് റോഡിന് സമീപം ബാര് നടത്തുകയായിരുന്ന
മനീഷ് ഷെട്ടിയ്ക്കു നേരെ ബ്രിഡ്ജ് റോഡിന് സമീപത്തുള്ള ആര്.എച്ച്.പി റോഡിലെ പമ്പിനടുത്ത് വെച്ചാണ് അക്രമികള് വെടിയുതിര്ത്തത് . ശേഷം അക്രമികള് വാഹനത്തില് രക്ഷപ്പെട്ടു. മനീഷ് ഷെട്ടിയെ ഉടന് ആശുപത്രിയിലെത്തിച്ചെങ്കിലും ജീവന് രക്ഷിക്കാനായില്ല.
ഗുണ്ടാസംഘങ്ങള് തമ്മിലുള്ള സംഘര്ഷമാണ് കൊലപാതകത്തിന് കാരണമെന്ന് സംശയിക്കുന്നതായി പൊലീസ് പറഞ്ഞു. മനീഷ് ഷെട്ടിക്കെതിരെ കേരളത്തിലും കര്ണാടകയിലുമായി നിരവധി ക്രിമിനല് കേസുകളുണ്ട്.
