ന്യൂഡൽഹി / 2026 / ഓഗസ്റ്റ് 11
സമഗ്ര ശിക്ഷ പദ്ധതിയിൽ പ്രാഥമിക വിദ്യാഭ്യാസത്തിനായി കേരളത്തിന് 2026–27 സാമ്പത്തിക വർഷത്തിൽ 438.89 കോടി രൂപയാണ് വകയിരുത്തിയത്. 2025–26ൽ ഇത് 488.23 കോടി രൂപയായിരുന്നു. 2024–25ൽ 632.21 കോടി രൂപയും 2023–24ൽ 469.98 കോടി രൂപയും കേരളത്തിന് അനുവദിച്ചിരുന്നു. കേന്ദ്ര വിദ്യാഭ്യാസ മന്ത്രാലയം ലോക്സഭയിൽ നൽകിയ മറുപടിയിലാണ് സംസ്ഥാനങ്ങളുടെയും കേന്ദ്രഭരണ പ്രദേശങ്ങളുടെയും കണക്കുകൾ പുറത്തുവിട്ടത്.
സംസ്ഥാനങ്ങളുടെ പദ്ധതിക്ക് കേന്ദ്ര അംഗീകാരം
സംസ്ഥാനങ്ങളും കേന്ദ്രഭരണ പ്രദേശങ്ങളും സ്വന്തം ആവശ്യങ്ങളും മുൻഗണനകളും കണക്കിലെടുത്താണ് സമഗ്ര ശിക്ഷയുടെ വാർഷിക പ്രവർത്തനപദ്ധതിയും ബജറ്റും തയ്യാറാക്കുന്നത്. തുടർന്ന് പദ്ധതി അംഗീകാര ബോർഡ് സംസ്ഥാനങ്ങളുമായി ആലോചിച്ച് പദ്ധതികൾ വിലയിരുത്തുകയും അംഗീകരിക്കുകയും ചെയ്യുന്നു. ചെലവിന്റെ വേഗം, സംസ്ഥാന വിഹിതം, ഓഡിറ്റ് കണക്കുകൾ, മുൻവർഷത്തെ വിനിയോഗ സർട്ടിഫിക്കറ്റ് തുടങ്ങിയ വ്യവസ്ഥകൾ പാലിച്ച ശേഷമാണ് കേന്ദ്രവിഹിതം വിട്ടുനൽകുന്നത്. ചെലവിടൽ മന്ദഗതിയിലായതിനാൽ ചില സംസ്ഥാനങ്ങൾക്ക് എല്ലാ ഗഡുക്കളും ലഭിക്കാറില്ലെന്നും കേന്ദ്രം വ്യക്തമാക്കി.
അടിസ്ഥാന സൗകര്യത്തിന് ചെലവ് ഉയർന്നു
സമഗ്ര ശിക്ഷയിൽ അടിസ്ഥാന സൗകര്യ വികസനത്തിനുള്ള ചെലവ് 2024–25ലെ 1,962.77 കോടി രൂപയിൽ നിന്ന് 2025–26ൽ 2,871.95 കോടി രൂപയായി ഉയർന്നു. അധ്യാപക ശമ്പളത്തിനുള്ള ചെലവ് 17,234.40 കോടി രൂപയിൽ നിന്ന് 13,508.69 കോടി രൂപയായി കുറഞ്ഞു. സൗജന്യ പാഠപുസ്തകങ്ങൾക്ക് 2,353.23 കോടി രൂപയും സൗജന്യ യൂണിഫോമുകൾക്ക് 3,871.02 കോടി രൂപയും 2025–26ൽ ചെലവഴിച്ചു.
പ്രബന്ധ് സംവിധാനത്തിൽ നിരീക്ഷണം
പദ്ധതിയിലെ വിവിധ ഇടപെടലുകൾക്കുള്ള ചെലവും പുരോഗതിയും നിരീക്ഷിക്കാൻ കേന്ദ്ര വിദ്യാഭ്യാസ വകുപ്പ് പ്രബന്ധ് സംവിധാനം നടപ്പാക്കിയിട്ടുണ്ട്. പ്രധാന പദ്ധതികളുടെ ഭൗതികവും സാമ്പത്തികവുമായ പുരോഗതി മാസംതോറും കാണിക്കുന്ന വിവരദൃശ്യ ഡാഷ്ബോർഡും ഇതിലുണ്ട്. പദ്ധതികളുടെ സുഗമമായ നടത്തിപ്പിനായി സംസ്ഥാനങ്ങളുമായും കേന്ദ്രഭരണ പ്രദേശങ്ങളുമായും നിരന്തരം അവലോകന യോഗങ്ങൾ നടത്തുന്നുണ്ടെന്നും കേന്ദ്രം അറിയിച്ചു.
വിദ്യാഭ്യാസ സെസ് വരുമാനം 65,890 കോടി
വിദ്യാഭ്യാസവുമായി ബന്ധപ്പെട്ട സെസ് വരുമാനം 2024–25ൽ 63,252.86 കോടി രൂപയും 2025–26ൽ 65,890.50 കോടി രൂപയുമായിരുന്നു. ഈ തുക സംസ്ഥാനങ്ങളുമായി പങ്കിടുന്ന നികുതി വിഹിതത്തിന്റെ ഭാഗമല്ല. വിദ്യാഭ്യാസ ആവശ്യങ്ങൾക്ക് പ്രാരംഭ ശിക്ഷാ കോശ്, മാധ്യമിക-ഉച്ചതർ ശിക്ഷാ കോശ് എന്നീ കരുതൽ നിധികളിലൂടെയാണ് തുക വിനിയോഗിക്കുന്നത്. 2025–26ൽ പ്രാരംഭ ശിക്ഷാ കോശിൽ നിന്ന് 48,049.09 കോടി രൂപയും മാധ്യമിക-ഉച്ചതർ ശിക്ഷാ കോശിൽ നിന്ന് 10,314.31 കോടി രൂപയും വിനിയോഗിച്ചു.
.
Disclaimer: The information published on Samadarsi.com is provided for general news, informational, educational, and public awareness purposes only. While every reasonable effort is made to ensure the accuracy, reliability, and timeliness of the content, Samadarsi Communication LLP does not guarantee that all published information is free from errors, omissions, or inaccuracies. The views and opinions expressed in opinion articles, guest columns, interviews, and reader comments are solely those of the respective authors and do not necessarily reflect the views of Samadarsi Communication LLP. Readers are encouraged to independently verify any information before making financial, legal, medical, political, or personal decisions based on the content published on this website. Samadarsi.com reserves the right to update, modify, correct, or remove any content at any time without prior notice. Any links to external websites are provided solely for the convenience of users, and we do not endorse or accept responsibility for the content, security, accuracy, or privacy practices of such third-party websites. All trademarks, logos, images, and other copyrighted materials appearing on this website remain the property of their respective owners.
