ന്യൂഡൽഹി: പിഎം കിസാൻ സമ്മാൻ നിധിയുടെ അടുത്ത ഗഡു ഇന്ന് (മാർച്ച് 13) അർഹരായ കർഷകരുടെ ബാങ്ക് അക്കൗണ്ടുകളിലേക്കെത്തും.പദ്ധതിയുടെ 22-ാമത് ഗഡു പ്രധാനമന്ത്രി നരേന്ദ്ര മോദി ഇന്ന് ആസാമിലെ ഗോഹട്ടിയിൽ നടക്കുന്ന ചടങ്ങിലാണു വിതരണം ചെയ്യുക.
പദ്ധതിക്കായി ആകെ ചെലവിട്ട തുക 4.27 ലക്ഷം കോടി
ഡയറക്ട് ബെനഫിറ്റ് ട്രാൻസ്ഫറിലൂടെ (ഡിബിടി) രാജ്യത്തുടനീളമുള്ള 9.32 കോടി കർഷകരുടെ അക്കൗണ്ടുകളിലേക്ക് 18,640 കോടി രൂപയാണു പദ്ധതിയിലൂടെ കൈമാറുന്നതെന്ന് കേന്ദ്രമന്ത്രി ശിവരാജ് സിംഗ് ചൗഹാൻ അറിയിച്ചു.22-ാമത് ഗഡുവിന്റെകൂടി വിതരണം പൂർത്തിയാകുന്നതോടെ പദ്ധതിക്കായി ആകെ ചെലവിട്ട തുക 4.27 ലക്ഷം കോടി കവിയുമെന്നും കേന്ദ്രമന്ത്രി പറഞ്ഞു.
