.
തിരുവനന്തപുരം: ഓലപ്പാമ്പ് കാട്ടി മുഖ്യമന്ത്രി കോണ്ഗ്രസുകാരെ പേടിപ്പിക്കേണ്ടെന്നു കോണ്ഗ്രസ് പ്രവർത്തകസമിതി അംഗം രമേശ് ചെന്നിത്തല.മുഖ്യമന്ത്രി ഉണ്ണികൃഷ്ണൻ പോറ്റിയുമായി നിൽക്കുന്ന ചിത്രം പങ്കുവച്ചതിന്റെ പേരിൽ കോണ്ഗ്രസ് നേതാവ് എൻ. സുബ്രഹ്മണ്യന്റെ പേരിൽ കേസെടുത്ത സംഭവത്തിൽ പ്രതികരിക്കുകയായിരുന്നു അദ്ദേഹം.
സമാനകാര്യം ചെയ്ത ബിജെപി സംസ്ഥാന പ്രസിഡന്റ് രാജീവ് ചന്ദ്രശേഖറിനെതിരേ എന്തു കൊണ്ട് കേസ് എടുത്ത് അറസ്റ്റ് ചെയ്തില്ല .
മുഖ്യമന്ത്രി ഉണ്ണികൃഷ്ണൻ പൊറ്റിയുമായി നിൽക്കുന്ന ചിത്രം പങ്കുവച്ചതിന്റെ പേരിൽ സുബ്രഹ്മണ്യന്റെ പേരിൽ കേസെടുത്ത് അറസ്റ്റ് ചെയ്തപ്പോൾ എന്തു കൊണ്ട് ഒരു മാസം മുമ്പേ സമാനകാര്യം ചെയ്ത ബിജെപി സംസ്ഥാന പ്രസിഡന്റ് രാജീവ് ചന്ദ്രശേഖറിനെതിരേ കേസ് എടുത്ത് അറസ്റ്റ് ചെയ്തില്ല എന്ന് രമേശ് ചോദിച്ചു. ഒരു സുബ്രഹ്മണ്യനെ അറസ്റ്റ് ചെയ്തതുകൊണ്ട് കോണ്ഗ്രസുകാരൊക്കെ പേടിച്ചുപോകും, മുഖ്യമന്ത്രിക്കെതിരേ സംസാരിക്കില്ല എന്ന തെറ്റിദ്ധാരണയൊന്നും വേണ്ട.
