ന്യൂഡല്ഹി: നിയന്ത്രണരേഖയില് ഒരു പ്രകോപനവുമില്ലാതെ തുടര്ച്ചയായി നടത്തുന്ന വെടിവെയ്പില് പാകിസ്താന് മുന്നറിയിപ്പുമായി ഇന്ത്യ. ഇരു രാജ്യങ്ങളുടെയും ഉന്നത സൈനികോദ്യോഗസ്ഥര് ഹോട്ട് ലൈനില് സംസാരിച്ചു. പഹല്ഗാം ഭീകരാക്രമണത്തിനു പിന്നാലെ തുടര്ച്ചയായ ആറാംദിവസവും പാകിസ്താന് ഒരു പ്രകോപനവുമില്ലാതെ നിയന്ത്രണ രേഖയിലെ വെടിനിര്ത്തല് കരാര് ലംഘിച്ചിരുന്നു. ഇതേത്തുടര്ന്നാണ് ഇന്ത്യ പാകിസ്താന് ഏപ്രിൽ 30 ബുധനാഴ്ച ശക്തമായ മുന്നറിയിപ്പ് നല്കിയത്.
ഇന്ത്യ ശക്തമായി തിരിച്ചടിച്ചു.
.
മിലിട്ടറി ഓപ്പറേഷന്സ് ഡയറക്ടര് ജനറല് ലഫ്. ജനറല് രാജീവ് ഗായ്, പാക് സൈനിക മേധാവിയെ വിളിച്ച് സ്ഥിതിഗതികള് ചര്ച്ചചെയ്തു. കഴിഞ്ഞദിവസം അര്ധരാത്രിയിലും ബാരാമുള്ള, കുപ്വാര ജില്ലകളിലെ നിയന്ത്രണരേഖയ്ക്കപ്പുറത്തുനിന്ന് പര്ഗ്വാള് മേഖലയിലെ അന്താരാഷ്ട്ര അതിര്ത്തിയിലും പാകിസ്താന് പ്രകോപനമില്ലാതെ വെടിവെപ്പ് നടത്തിയിരുന്നു. ഇന്ത്യ ശക്തമായി തിരിച്ചടിക്കുകയും ചെയ്തു.
ഇന്ത്യന് സൈന്യം ആക്രമിക്കാന് പദ്ധതിയിടുന്നുണ്ടെന്ന പാക് മന്ത്രിയുടെ വീഡിയോ സന്ദേശം
.
അതേസമയം, അടുത്ത 24 മുതല് 36 മണിക്കൂറിനുള്ളില് ഇന്ത്യന് സൈന്യം ആക്രമിക്കാന് പദ്ധതിയിടുന്നുണ്ടെന്ന പാക് മന്ത്രിയുടെ പ്രസ്താവനയ്ക്ക് പിന്നാലെയാണ് ഇരു രാജ്യങ്ങളുടെയും ഉന്നത സൈനികോദ്യോഗസ്ഥർ തമ്മിൽ സംസാരിച്ചത്. ഒന്നര ദിവസത്തിനുള്ളില് ഇന്ത്യ തങ്ങള്ക്കെതിരേ സൈനിക നടപടി സ്വീകരിച്ചെക്കുമെന്ന് ഭയപ്പെടുന്നതായി പാക് ഫെഡറല് ഇന്ഫര്മേഷന് മന്ത്രി അത്താ ഉള്ള തരാര് പ്രസ്താവിച്ചിരുന്നു. ഇതുസംബന്ധിച്ച് പാകിസ്താന് വിശ്വസനീയമായ രഹസ്യാന്വേഷണ വിവരം ലഭിച്ചിട്ടുണ്ടെന്നും ഒരു വീഡിയോയിൽ മന്ത്രി പറഞ്ഞിരുന്നു.
അടുത്ത 24-36 മണിക്കൂറിനുളളിൽ ഇന്ത്യ പാകിസ്താനെതിരെ സൈനീക നടപടിക്കൊരുങ്ങുന്നതാ.യി വിശ്വസനീയമായ രഹസ്യാന്വേഷണ വിവരം ലഭിച്ചിട്ടുണ്ട് .പാക്കിസ്ഥാൻതന്നെ തീവ്രവാദത്തിന്റെ ഇരയാണ്. അതിന്റെ വേദന ശരിയാംവണ്ണം മനസിലാക്കുന്നു. ലോകത്തെവിടെയുമുളള തീവ്ര വാദത്തിന്റെ എല്ലാ രൂപ ഭാവങ്ങളെയും ഞങ്ങൾ എപ്പോഴും അപലപിച്ചിട്ടുണ്ട്. പാക്മന്ത്രി വീഡിയോ സന്ദേശത്തിൽ പറഞ്ഞു.
