തിരുവനന്തപുരം: പുനലൂര് താലൂക്ക് ആശുപത്രിയില് ഇന്ജക്ഷന് നല്കിയതിനെ തുടര്ന്ന് 11 രോഗികള്ക്ക് പാര്ശ്വഫലം ഉണ്ടായ സംഭവത്തില് 2 ആശുപത്രി ജീവനക്കാര്ക്കെതിരേ നടപടി.
നഴ്സിങ് ഓഫിസറേയും ഗ്രേഡ്-2 അറ്റന്ഡറെയും സസ്പെന്ഡ് ചെയ്തു. കൊല്ലം ജില്ലാ മെഡിക്കല് ഓഫിസറുടെ അന്വേഷണത്തെത്തുടര്ന്നാണ് സസ്പെന്ഷന്. സംഭവം ശ്രദ്ധയില്പ്പെട്ടതിനെ തുടര്ന്ന് ആരോഗ്യ മന്ത്രി വീണാ ജോര്ജ് അന്വേഷണം നടത്താന് ആരോഗ്യ ഡയറക്റ്റര്ക്ക് നിര്ദേശം നല്കിയിരുന്നു. കൊല്ലം ഡിഎംഒ നടത്തിയ അന്വേഷണത്തെ തുടര്ന്നാണു നടപടി.
