ടോക്കിയോ: ടോക്കിയോ ഒളിംപിക്സില് മെഡല് പട്ടിക തുറന്ന് ഇന്ത്യ. വനിതകളുടെ 49 കിലോ വിഭാഗം ഭാരോദ്വഹനത്തിൽ ഇന്ത്യയുടെ മീരാബായ് ചാനു വെള്ളി നേടി. സ്നാച്ചിലും ക്ലീന് ആന്ഡ് ജര്ക്കിലും മികച്ച പ്രകടനം ചാനു പുറത്തെടുത്തു. 202 കിലോ ഉയര്ത്തിയാണ് ചരിത്രനേട്ടം. സ്നാച്ചില് 87 കിലോയും ജര്ക്കില് 115 കിലോയും അനായാസം കീഴടക്കി. ഒളിംപിക് ചരിത്രത്തില് ഭാരോദ്വഹനത്തിൽ മെഡല് നേടുന്ന രണ്ടാമത്തെ ഇന്ത്യന് താരമാണ് ചാനു.
ഭാരോദ്വഹനത്തിൽ കര്ണം മല്ലേശ്വരിക്ക് ശേഷം ഇന്ത്യക്ക് മെഡല് ലഭിക്കുന്നത് ഇതാദ്യം. ഈ ഇനത്തില് 21 വര്ഷത്തിന് ശേഷമാണ് ഇന്ത്യക്ക് മെഡല് ലഭിക്കുന്നത്. 2000ല് സിഡ്നിയിലാണ് കര്ണം മല്ലേശ്വരി വെങ്കലം നേടിയത്.
