വ്യാജ ആര്ടിപിസിആര് സര്ട്ടിഫിക്കറ്റ് നിര്മിച്ച് നല്കിയ ഇന്റര്നെറ്റ് കഫേയില് പൊലീസ് റെയ്ഡ്. സ്ഥാപന ഉടമയെ കസ്റ്റഡിയിലെടുത്തു. വയനാട് മാനന്തവാടിയില് പാര്ക്യൂ ടവറില് പ്രവര്ത്തിക്കുന്ന ഡോട്കോം ഇന്റര്നെറ്റ് ഡിജിറ്റല് സ്റ്റുഡിയോയില് നടത്തിയ പരിശോധനയിലാണ് വ്യാജ ആര്ടിപിസിആര് സര്ട്ടിഫിക്കറ്റുകള് കണ്ടെത്തിയത്.
വയനാട് എസ്.പി അരവിന്ദ് സുകുമാറിന് ലഭിച്ച രഹസ്യ വിവരത്തിന്റെ അടിസ്ഥാനത്തിലായിരുന്നു റെയ്ഡ്. സര്ട്ടിഫിക്കറ്റ് വാങ്ങാനാണെന്ന വ്യാജേന എത്തിയാണ് ഉദ്യോഗസ്ഥര് തട്ടിപ്പ് പിടികൂടിയത്. ഒരു ആര്ടിപിസിആര് റിസല്റ്റിന് 200 രൂപയാണ് ഈടാക്കുന്നത്. ഇത്തരത്തില് നിരവധി പേര്ക്ക് ഇവര് വ്യാജ സര്ട്ടിഫിക്കറ്റുകള് നിര്മിച്ച് നല്കിയതായാണ് വിവരം.
പാര്ക്യൂ ടവറില് പ്രവര്ത്തിക്കുന്ന ഡോട്കോം ഇന്റര്നെറ്റ് ഡിജിറ്റല് സ്റ്റുഡിയോയില് നടത്തിയ പരിശോധനയിലാണ് വ്യാജ ആര്ടിപിസിആര് സര്ട്ടിഫിക്കറ്റുകള് കണ്ടെത്തിയത്. വയനാട് ജില്ലയിലെ വിവിധ ലാബുകളുടെ പേരിലാണ് വ്യാജ സര്ട്ടിഫിക്കറ്റുകള് നിര്മിച്ച് നല്കിയത്. ബാര് കോഡ് അടക്കം നിര്മിച്ചാണ് സര്ട്ടിഫിക്കറ്റുകള് നല്കിയത്.
