തൃശൂര്: തൃശൂര് പൂരത്തിന് പങ്കെടുക്കുന്നവർക്ക് കൊവിഡിന്റെ രണ്ട് ഡോസ് വാക്സിന് സര്ട്ടിഫിക്കറ്റ് നിര്ബന്ധമാക്കി. ഇത് സംബന്ധിച്ചുള്ള ഉത്തരവ് 17/04/21 ശനിയാഴ്ചയാണ് പ്രിന്സിപ്പല് സെക്രട്ടറി പുറത്തിറക്കിയത്.
നേരത്തെ ഒറ്റ ഡോസ് വാക്സിന് എടുത്തവര്ക്ക് പൂരത്തിന് പ്രവേശനം അനുവദിക്കും എന്ന തീരുമാനം പിന്വലിച്ചുകൊണ്ടാണ് പുതിയ ഉത്തരവിറക്കിയിരിക്കുന്നത്. രണ്ട് ഡോസ് വാക്സിന് എടുക്കാത്തവര് ആര്ടിപിസിആര് പരിശോധന സര്ട്ടിഫിക്കറ്റ് എടുത്തിരിക്കണമെന്നും ഉത്തരവില് പറയുന്നു.
കര്ശന നടപടികളുടെ പശ്ചാത്തലത്തില് പൂരം നടത്തിപ്പ് പ്രയാസകരമാകുമെന്നാണ് ദേവസ്വം വകുപ്പിന്റെ പ്രതികരണം. പ്രത്യേക ഉത്തരവ് സംബന്ധിച്ച് കൂടിയാലോചിച്ച് തീരുമാനമെടുക്കുമെന്നും പാറമേക്കാവ് ദേവസ്വം അറിയിച്ചു.
