കോഴിക്കോട്, 2026 ജൂൺ 25 –

വീര്യം കുറഞ്ഞ മദ്യത്തിന് നികുതി കുറയ്ക്കുന്ന വിഷയത്തിൽ മുസ്ലിം ലീഗിന്റെ നിലപാട് മുന്നണിയിൽ വ്യക്തമാക്കുമെന്ന് മന്ത്രി കെ. എം. ഷാജി പറഞ്ഞു. മുഖ്യമന്ത്രി പറഞ്ഞതാണ് മന്ത്രിസഭയുടെ നിലപാടെന്നും കോഴിക്കോട് മാധ്യമങ്ങളോട് പ്രതികരിച്ചു.

മുസ്ലിം ലീഗിന് വിഷയത്തിൽ പ്രത്യേക നിലപാടില്ലെന്നും മുന്നണിയുടെ തീരുമാനമാണ് പാർട്ടിയുടെ നിലപാടെന്നും കെ. എം. ഷാജി വ്യക്തമാക്കി. മദ്യനയവുമായി ബന്ധപ്പെട്ട വിഷയത്തിൽ മുന്നണിക്കുള്ളിൽ നിലപാട് വ്യക്തമാക്കുമെന്നും പറഞ്ഞു.

നാടാകെ മദ്യം ഒഴുക്കിയവർ ഇപ്പോൾ ഈ വിഷയത്തിൽ എതിർപ്പ് പ്രകടിപ്പിക്കുന്നത് തമാശയാണെന്നും കെ. എം. ഷാജി വിമർശിച്ചു. വീര്യം കുറഞ്ഞ മദ്യത്തിന്റെ നികുതി കുറച്ചതിനെ ചൊല്ലിയുള്ള രാഷ്ട്രീയ വിവാദങ്ങൾക്കിടെയാണ് മന്ത്രിയുടെ പ്രതികരണം.