ബ്രസീലിലെ ബ്രസീലിയയിൽ ജൂൺ 15 മുതൽ 17 വരെ നടന്ന ലോക ഔഷധ നിലവാര സമിതികളുടെ പതിനാറാമത് അന്താരാഷ്ട്ര യോഗത്തിൽ ഇന്ത്യ പങ്കെടുത്തു. കേന്ദ്ര ആരോഗ്യ-കുടുംബക്ഷേമ മന്ത്രാലയത്തിന് കീഴിലെ ഇന്ത്യൻ ഫാർമകോപിയ കമ്മിഷന്റെ പ്രതിനിധി സംഘം യോഗത്തിൽ പങ്കെടുത്തത്. ഇന്ത്യൻ ഔഷധ നിലവാരങ്ങളിലെ പുതിയ മുന്നേറ്റങ്ങളും ആഗോള നിലവാര ഏകീകരണത്തിനായുള്ള ഇന്ത്യയുടെ സംഭാവനകളും യോഗത്തിൽ അവതരിപ്പിച്ചു. ഇന്ത്യൻ ഔഷധ നിലവാരങ്ങൾ ലോകത്തിലെ പ്രമുഖ നിലവാര സമിതികളുടേതിന് തുല്യമാണെന്നും ചർച്ചകളിൽ വീണ്ടും സ്ഥിരീകരിച്ചു.

ഡോ. വി. കലൈസെൽവന്റെ നേതൃത്വത്തിലുള്ള ഇന്ത്യൻ സംഘം യോഗത്തിൽ ഇന്ത്യയെ പ്രതിനിധീകരിച്ചു. ക്ഷയരോഗം, കാൻസർ, രക്തക്കുറവ് എന്നിവയ്ക്കുള്ള മരുന്നുകൾ, രക്തവും രക്തോൽപന്നങ്ങളും ഉൾപ്പെടെയുള്ള സങ്കീർണ ഔഷധ ഉൽപന്നങ്ങളുടെ ഗുണനിലവാര മാനദണ്ഡങ്ങൾ വികസിപ്പിക്കുന്നതിൽ ഇന്ത്യയുടെ നേതൃത്വത്തെ യോഗം അംഗീകരിച്ചു. ആധുനിക സൂക്ഷ്മജീവശാസ്ത്ര രീതികൾ, ഔഷധ നിലവാര ഏകീകരണം, പരിസ്ഥിതി സുസ്ഥിരത തുടങ്ങിയ വിഷയങ്ങളിലെ ചർച്ചകളിലും ഇന്ത്യൻ സംഘം സജീവമായി പങ്കെടുത്തു.

ലോകാരോഗ്യ സംഘടനയുടെ ഏകോപനത്തിലായിരുന്നു യോഗം നടന്നത്. വിവിധ രാജ്യങ്ങളിലെ പ്രമുഖ ഔഷധ നിലവാര സമിതികളുടെ പ്രതിനിധികൾ ഇതിൽ പങ്കെടുത്തു. ശാസ്ത്രാധിഷ്ഠിത നിലവാരങ്ങളിലൂടെയും നിയന്ത്രണ പിന്തുണയിലൂടെയും പൊതുജനാരോഗ്യം ശക്തിപ്പെടുത്തുന്നതിൽ ഇന്ത്യയുടെ പങ്ക് യോഗത്തിൽ അവതരിപ്പിച്ചു. ഈ പങ്കാളിത്തം അന്താരാഷ്ട്ര സഹകരണം കൂടുതൽ ശക്തമാക്കുകയും ആഗോള ഔഷധ ഗുണനിലവാര നിലവാരങ്ങൾ രൂപപ്പെടുത്തുന്നതിൽ ഇന്ത്യയുടെ വളർന്നുവരുന്ന നേതൃത്വത്തെ വീണ്ടും ഉറപ്പിക്കുകയും ചെയ്തു.