ന്യൂഡല്ഹി: ഓപ്പറേഷന് സിന്ദൂര് മൂലം പാകിസ്താന് നഷ്ടമായത് ആറ് യുദ്ധവിമാനങ്ങളെന്ന് റിപ്പോർട്ട്. പഹല്ഗാം ഭീകരാക്രമണത്തിന് തിരിച്ചടിയായി പാകിസ്താന്റെ ഭീകരകേന്ദ്രങ്ങളില് ഇന്ത്യ ആക്രമണം നടത്തിയിരുന്നു. എന്നാല് ഇതിനെതിരെ പാകിസ്താന്, ഇന്ത്യയുടെ സൈനിക കേന്ദ്രങ്ങളും ജനവാസമേഖലകളും ലക്ഷ്യമിട്ടതോടെയാണ് ഇന്ത്യ അതേ നാണയത്തില് തിരിച്ചടിച്ചത്.
ഇന്ത്യയുടെ തിരിച്ചടിയില് പാകിസ്താന്റെ വിലയേറിയ യുദ്ധവിമാനങ്ങളാണ് നഷ്ടപ്പെട്ടത്.
.ഒരു സി-130 മിലിട്ടറി ട്രാന്സ്പോര്ട്ട് എയര്ക്രാഫ്റ്റ്, രണ്ട് നിരീക്ഷണ വിമാനങ്ങള്, ഫൈറ്റര് ജെറ്റുകള്, 30 ലധികം വരുന്ന മിസൈലുകള്, നിരവധി ഡ്രോണുകള് എന്നിവയാണ് നാലുദിവസം നീണ്ട സംഘര്ഷത്തില് പാകിസ്താന് നഷ്ടപ്പെട്ടത്.സൈന്യം നടത്തിയ സാങ്കേതിക അവലോകനത്തി ലാണ് ഈ ഡേറ്റകള് ലഭ്യമായത്.
300 കിലോമീറ്റര് ദൂരെനിന്നാണ് എസ്-400 എന്ന സുദര്ശന് ചക്ര ഈ വിമാനത്തെ വെടിവെച്ചിട്ടത്.
ആറ് യുദ്ധവിമാനങ്ങള് പാകിസ്താന് നഷ്ടമായതായും അതിലൊന്ന് ഇലക്ട്രോണിക് വാര്ഫെയറിനുപയോഗിക്കുന്നതോ വ്യോമാക്രമണം മുന്കൂട്ടി കണ്ടെത്താനുപയോഗിക്കുന്ന അവാക്സ് വിമാനമോ ആകാം. ഇന്ത്യയുടെ പക്കലുള്ള റഷ്യന് നിര്മിത എസ്-400 സംവിധാനം പാകിസ്താനുള്ളില് വെച്ചുതന്നെ ഈ വിമാനത്തിനെ വെടിവെച്ചിട്ടുവെന്നാണ് വിവരം. 300 കിലോമീറ്റര് ദൂരെനിന്നാണ് എസ്-400 എന്ന സുദര്ശന് ചക്ര ഈ വിമാനത്തിനെ വെടിവെച്ചിട്ടത്.ഇന്ത്യയുടെ മിസൈല് ആക്രമണത്തില് ഭൊലാരി വ്യോമതാവളത്തി ലുണ്ടായിരുന്ന മറ്റൊരു സ്വീഡിഷ് നിര്മിത അവാക്സ് വിമാനം തകര്ന്നിരുന്നു.
