ന്യൂഡല്ഹി \ ഔദ്യോഗിക വസതിയില് നിന്ന് വന്തോതില് പണം കണ്ടെത്തിയതിന് പിന്നാലെ അഴിമതി ആരോപണം നേരിടുന്ന ഹൈക്കോടതി സിറ്റിംഗ് ജഡ്ജി ജസ്റ്റിസ് യശ്വന്ത് വര്മ്മക്കെതിരെ ഇംപീച്ച്മെന്റ് നടപടികള് ആരംഭിക്കാന് കേന്ദ്ര സര്ക്കാര് തയ്യാറെടുക്കുന്നതായി റിപ്പോര്ട്ടുകള്.യശ്വന്ത് വര്മ്മയെ നീക്കം ചെയ്യണമെന്ന് ആവശ്യപ്പെടുന്ന പ്രമേയം പാര്ലമെന്റിന്റെ വരാനിരിക്കുന്ന സമ്മേളനത്തില് കൊണ്ടുവരുമെന്നാണ് അറിയുന്നത്.പ്രമേയം അവതരിപ്പിക്കുന്നതിന് മുന്നോടിയായി പാര്ലമെന്ററി കാര്യ മന്ത്രി കിരണ് റിജിജു എല്ലാ രാഷ്ട്രീയ പാര്ട്ടികളുമായും കൂടിയാലോചനകള് നടത്തും.
ജസ്റ്റിസ് വര്മ്മയുടെ വസതിയില് നിന്ന് കണക്കില് പെടാത്ത വന് തുക കണ്ടെത്തിയിരുന്നു
.
ഡല്ഹി ഹൈക്കോടതി ജഡ്ജിയായിരുന്ന ജസ്റ്റിസ് വര്മ്മയുടെ വസതിയില് നിന്ന് കണക്കില് പെടാത്ത വന് തുക കണ്ടെത്തിയിരുന്നു. സംഭവം വിവാദമായതിന് പിന്നാലെ അന്നത്തെ ചീഫ് ജസ്റ്റിസ് സഞ്ജീവ് ഖന്ന, ജസ്റ്റിസ് യശ്വന്ത് വര്മ്മയെ അലഹബാദ് ഹൈക്കോടതിയിലേക്ക് ഉടന് സ്ഥലം മാറ്റാന് ഉത്തരവിട്ടിരുന്നു. .
