ന്യൂഡല്ഹി | ജമ്മു കശ്മീരിലെ പഹല്ഗാമില് വിനോദസഞ്ചാരികള്ക്ക് നേരെ നടന്ന ഭീകരാക്രമണത്തെ ലോക നേതാക്കള് അപലപിച്ചു. . കശ്മീരില് നിന്ന് വരുന്നത് വളരെ അസ്വസ്ഥതയുളവാക്കുന്ന വാര്ത്തകളാണെന്ന് അമേരിക്കൻ പ്രസിഡന്റ് ഡോണൾഡ് ട്രംപ് പ്രതികരിച്ചു. .ഭീകരതയ്ക്കെതിരെ ഇന്ത്യയ്ക്കൊപ്പം അമേരിക്ക ശക്തമായി നിലകൊള്ളുമെന്ന് പ്രസിഡന്റ് പറഞ്ഞു..ആക്രമണത്തില് ജീവന് നഷ്ടപ്പെട്ടവരുടെ ആത്മാക്കള്ക്കായി ഞങ്ങള് പ്രാര്ത്ഥിക്കുന്നുവെന്നും പരിക്കേറ്റവര് എത്രയും വേഗം സുഖം പ്രാപിക്കട്ടെയെന്നും ട്രംപ് കൂട്ടിച്ചേര്ത്തു.
.
റഷ്യന് പ്രസിഡന്റ് വ്ളാദിമിര് പുടിന്
ഭീകരാക്രമണത്തെ റഷ്യന് പ്രസിഡന്റ് വ്ളാദിമിര് പുടിന് ശക്തമായി അപലപിച്ചു. എല്ലാവിധത്തിലുമുള്ള തീവ്രവാദ ശക്തികളേയും ചെറുക്കാന് ഇന്ത്യയ്ക്ക് റഷ്യയുടെ പൂര്ണ പിന്തുണയുണ്ടാകുമെന്ന് പുടിന് ഉറപ്പുനല്കി. രാഷ്ട്രപതി ദ്രൗപതി മുര്മുവിനേയും പ്രധാനമന്ത്രി നരേന്ദ്രമോദിയേയും വിളിച്ചാണ് പുടിന് നടുക്കവും ദുഃഖവും രേഖപ്പെടുത്തിയത്. ഈ ക്രൂരകൃത്യത്തിന് ആര്ക്കും ഒരു ന്യായീകരണവും നല്കാനാകില്ലെന്നും ഈ ആക്രമണത്തിന്റെ സൂത്രധാരന്മാരേയും ഇത് നടത്തിയവരേയും നിയമത്തിന്റെ മുന്നില് കൊണ്ടുവരണമെന്നും അവര് കടുത്ത ശിക്ഷ അര്ഹിക്കുന്നുണ്ടെന്നും റഷ്യന് പ്രസിഡന്റ് പറഞ്ഞു.
