അഹമ്മദാബാദ് \ എഐസിസിയുടെ 84മത് സമ്മേളനത്തിന് ഇന്ന് (ഏപ്രിൽ 9) ഗുജറാത്തിലെ അഹമ്മദാബാദില് തുടക്കമാവും . സബര്മതി തീരത്ത് നടക്കുന്ന സമ്മേളനത്തില് 1700ഓളം നേതാക്കള് പങ്കെടുക്കും. കേരളത്തില് നിന്ന് 61 പ്രതിനിധികളാണ് സമ്മേളനത്തില് പങ്കെടുക്കുന്നത്. ഡിസിസികള് ശാക്തീകരിക്കുന്നതില് ചര്ച്ച ഇന്ന് നടക്കും.
സമ്മേളനത്തില് കേന്ദ്രസര്ക്കാരിനെതിരെയുളള പ്രമേയം ഇന്ന് പാസാക്കും
കേന്ദ്ര സര്ക്കാരിന്റെ ജനവിരുദ്ധ നയങ്ങള്ക്കെതിരായ പ്രമേയങ്ങള് ഇന്നലെ(ഏപ്രിൽ 8) എഐസിസിയുടെ പ്രവര്ത്തക സമിതി യോഗത്തില് അവതരിപ്പിച്ചിരുന്നു. വഖഫ് നിയമം, മതപരിവര്ത്തന നിരോധന നിയമം, വിദേശനയം തുടങ്ങിയവയില് കേന്ദ്രസര്ക്കാരിനെതിരെ ഇന്ന് പ്രമേയം പാസാക്കും. 1994 മുതല് അധികാരത്തില്നിന്നും പുറത്തുനില്ക്കുന്ന ഗുജറാത്തിലെ സ്ഥിതിഗതികള് ചര്ച്ച ചെയ്യുന്ന പ്രത്യേക പ്രമേയവും പ്രവര്ത്തന സമിതി യോഗത്തില് അവതരിപ്പിച്ചിരുന്നു. സര്ദാര് വല്ലഭായ് പട്ടേലിന്റെ ഔന്നത്യം ഉയര്ത്തിക്കാട്ടുന്ന പ്രത്യേക പ്രമേയവും അവതരിപ്പിച്ചു..
