പാലക്കാട്: ഡോ. പി സരിന് പാലക്കാട് ഇടത് സ്വതന്ത്രനായി മത്സരിക്കും. ഉപതിരഞ്ഞെടുപ്പില് മത്സരിക്കാന് എല്ഡിഎഫ് നേതൃത്വത്തെ സരിന് സമ്മതം അറിയിച്ചു. ഒക്ടോബർ 17 ന് ഔദ്യോഗിക പ്രഖ്യാപനമുണ്ടായേക്കും. പാലക്കാട് രാഹുല് മാങ്കൂട്ടത്തിനിനെതിരെയാകും സരിന് മത്സരത്തിനിറങ്ങുക.പാലക്കാട് നിയമസഭാ ഉപതിരഞ്ഞെടുപ്പില് രാഹുല് മാങ്കൂട്ടത്തിലിന്റെ സ്ഥാനാര്ത്ഥിത്വത്തില് പ്രതിഷേധിച്ചാണ് സരിന് കോണ്ഗ്രസുമായി ഇടഞ്ഞത്.
വിഷയത്തില് വിയോജിപ്പ് പ്രകടിപ്പിച്ചിട്ടും പ്രതിപക്ഷ നേതാവ് അടക്കമുള്ള മുതിര്ന്ന നേതാക്കള് അവഗണിച്ചെന്നതുള്പ്പെടെയുള്ള ഗുരുതര ആരോപണങ്ങള് ഉന്നയിച്ചും പി സരിന് രംഗത്തെത്തിയിരുന്നു. പാലക്കാട് സ്ഥാനാര്ത്ഥിത്വത്തില് പുനര്ചിന്തനം വേണമെന്ന് ആവശ്യപ്പെട്ട് കോണ്ഗ്രസ് അധ്യക്ഷന് മല്ലികാര്ജുന് ഖാര്ഗെയ്ക്കും ലോക്സഭാ പ്രതിപക്ഷ നേതാവ് രാഹുല് ഗാന്ധിക്കും കത്തയച്ചിരുന്നുവെന്ന് സരിന് പറഞ്ഞു.
