ബംഗളൂരു: എസ്.എസ്.എൽ.സി പരീക്ഷ കഴിഞ്ഞ് നാട്ടിലേക്ക് മടങ്ങാനിരുന്ന മലയാളി വിദ്യാർഥി ബംഗളൂരുവിൽ ബൈക്കപകടത്തിൽ മരിച്ചു. 26/07/21 തിങ്കളാഴ്ചയാണ് സംഭവം. കോഴിക്കോട് കൊയിലാണ്ടി ബീച്ച് റോഡ് മർകുറി ഹൗസിൽ റഷീദ് മുനഫറിന്റെയും ഹൗലത്ത് ബീവിയുടെയും മകൻ മബ്നാൻ (16) ആണ് മരിച്ചത്.
ബംഗളൂരു ലിംഗരാജപുരം ജ്യോതി ഹൈസ്കൂൾ പത്താം ക്ലാസ് വിദ്യാർഥിയാണ്. 20 വർഷമായി റഷീദ് മുനഫറും കുടുംബവും ബംഗളൂരു ടാണറി റോഡിലെ വസതിയിലാണ് താമസം. ബംഗളൂരുവിലെ നഗരജീവിതം അവസാനിപ്പിച്ച് കുടുംബം നാട്ടിലേക്ക് മടങ്ങാനിരിക്കെയാണ് മബ്നാന്റെ അപകട മരണം.
