ന്യൂഡല്ഹി: താലിബാന് ആക്രമണത്തില് കൊല്ലപ്പെട്ട വിഖ്യാത ഫോട്ടോജേണലിസ്റ്റ് ഡാനിഷ് സിദ്ദിഖിയുടെ മൃതദേഹം ജാമിയ മിലിയ ഇസ്ലാമിയ സര്വകലാശാലയുടെ ശ്മശാനത്തില് സംസ്കരിക്കും.റോയിട്ടേഴ്സിനു വേണ്ടി ജോലി ചെയ്തിരുന്ന സിദ്ദിഖി, ജാമിയ മിലിയയിലെ പൂര്വവിദ്യാര്ഥി ആയിരുന്നു.
സിദ്ദിഖിയുടെ മൃതദേഹം ജാമിയ ശ്മശാനത്തില് സംസ്കരിക്കണമെന്ന അദ്ദേഹത്തിന്റെ കുടുംബത്തിന്റെ അഭ്യര്ഥന സര്വകലാശാല വൈസ് ചാന്സലര് അംഗീകരിക്കുകയായിരുന്നെന്ന് പി.ആര്.ഒ. അഹ്മദ് അസീം അറിയിച്ചു.
ജാമിയയിലെ ജീവനക്കാരുടെയും അവരുടെ പങ്കാളികളുടെയും പ്രായപൂര്ത്തിയാകാത്ത മക്കളുടെയും മൃതദേഹങ്ങളാണ് സാധാരണയായി ഈ ശ്മശാനത്തില് സംസ്കരിക്കാറ്. എന്നാല് സിദ്ദിഖിയ്ക്കു വേണ്ടി ഈ പതിവിന് മാറ്റം കൊണ്ടുവരികയാണെന്ന് ജാമിയ മിലിയ ഇസ്ലാമിയ സര്വകലാശാല വൈസ് ചാന്സലര് അറിയിച്ചു.