ന്യൂഡല്ഹി: കൊവിഡ് വ്യാപനം രൂക്ഷമായ സാഹചര്യത്തില് സുപ്രീം കോടതി അടിയന്തരമല്ലാത്ത എല്ലാ കേസുകളും മാറ്റിവച്ചു. സാധാരണ കോടതികളും രജിസ്ട്രാര് കോടതികളും ഏപ്രില് 22 മുതല് ഇനിയൊരു അറിയിപ്പുണ്ടാകും വരെ കേസുകള് പരിഗണിക്കില്ല. സുപ്രീം കോടതിയിലെ പല ഉദ്യോഗസ്ഥരും കൊവിഡ് ബാധിച്ച് ചികില്സയില് കഴിയുകയാണ്. ഏതൊക്കെ കേസുകളാണ് അടിയന്തരമെന്ന് വിശദീകരിച്ചുകൊണ്ടുള്ള ഒരു സര്ക്കുലറും കോടതി പുറപ്പെടുവിച്ചിട്ടുണ്ട്. വധശിക്ഷയുമായി ബന്ധപ്പെട്ടവ, വിശാല ബെഞ്ച് പരിഗണിക്കേണ്ടവ, ഹൈക്കോടതി ഉത്തരവിന്റെ കാലാവധി കഴിഞ്ഞവ തുടങ്ങി 16ഓളം വിഭാഗങ്ങളാണ് അടിയന്തരമായി കണക്കാക്കുക.
റിപ്പോര്ട്ട്
ന്യൂസ് ഡെസ്ക്
