ന്യൂഡൽഹി: ട്രാക്ടർ റാലിയെ ചരിത്രമാക്കാൻ കർഷകർ. റിപ്പബ്ലിക് ദിനമായ ജനുവരി 26 ന് കര്ഷകര് ഡല്ഹിയിലും ഹരിയാന അതിര്ത്തിയിലും കൂറ്റന് ട്രാക്ടര് റാലിയാണ് നടത്തുന്നത്. പാക് ആക്രമണമുണ്ടാകുമെന്ന റിപ്പോര്ട്ടുകളെ തുടര്ന്ന് ട്രാക്ടര് റാലിക്ക് പൊലീസ് കനത്ത സുരക്ഷയൊരുക്കും. ഗതാഗത കുരുക്ക് ഒഴിവാക്കാന് പൊതുജനങ്ങള്ക്ക് പ്രത്യേക നിര്ദേശങ്ങള് നല്കിയിട്ടുണ്ട്.
സ്വതന്ത്ര ഇന്ത്യയുടെ ചരിത്രത്തില് ഇതാദ്യമായാണ് റിപ്പബ്ലിക് ദിനത്തില് കര്ഷകരുടെ ട്രാക്ടര് റാലി. ഡല്ഹിയിലും ഹരിയാനയിലുമായി ആറ് മേഖലകളിലാണ് ട്രാക്ടറുകള് ഒരേസമയം റാലി നടത്തുക. രണ്ട് ലക്ഷം ട്രാക്ടറുകള് എത്തുമെന്നായിരുന്നു കണക്കുകൂട്ടല്. എന്നാല്, അതിലും അധികം ട്രാക്ടറുകള് എത്തിയെന്നാണ് കര്ഷക നേതാക്കള് വ്യക്തമാക്കിയത്. അതിനാല് തന്നെ, പൊലീസ് അംഗീകരിച്ച റൂട്ട് മാപ്പിനേക്കാള് ദൂരം ട്രാക്ടറുകള്ക്ക് സഞ്ചരിക്കേണ്ടി വന്നേക്കുമെന്നാണ് വിലയിരുത്തല്.
സിംഗു, തിക്രി, ഗാസിപുര്, ചില്ല ബോര്ഡര്, ഹരിയാനയിലെ മേവാത്, ഷാജഹാന്പുര് എന്നിവിടങ്ങളില് നിന്നാണ് ട്രാക്ടര് പരേഡ് ആരംഭിക്കുന്നത്. പഞ്ചാബ്, ഹരിയാന, രാജസ്ഥാന്, മധ്യപ്രദേശ്, ഉത്തര്പ്രദേശ്, ഉത്തരാഖണ്ഡ്, തമിഴ്നാട്, കേരളം തുടങ്ങിയ സംസ്ഥാനങ്ങളില് നിന്നുള്ള കര്ഷകരാണ് പരേഡില് അണിചേരുന്നത്. റിപ്പബ്ലിക് ദിനത്തിന്റെയും ട്രാക്ടര് പരേഡിന്റെയും പശ്ചാത്തലത്തില് ഡല്ഹിയിലും അതിര്ത്തി പ്രദേശങ്ങളിലും സുരക്ഷ ശക്തമാക്കി.
