ന്യൂഡൽഹി: പബ്ജിക്ക് പിന്നാലെ ടിക്ക് ടോക്കും തിരിച്ചു വരുന്നു. ടിക്ക്ടോക്ക് ഇന്ത്യ ഹെഡ് നിഖില് ഗാന്ധി ജീവനക്കാര്ക്ക് അയച്ച കത്തിലാണ് ഇക്കാര്യം വ്യക്തമാക്കിയത്. ഇന്ത്യയിലേക്ക് തിരിച്ചു വരുന്നതിന് മുന്നോടിയായി ടിക്ക്ടോക്കിന്റെ ഡേറ്റാ സുരക്ഷയും സെക്യൂരിറ്റിയും വര്ധിപ്പിക്കുന്നതിനുള്ള നീക്കങ്ങള് കമ്പനി ആരംഭിച്ചിട്ടുണ്ടെന്നും കത്തില് വിശദമാക്കുന്നു. രാജ്യത്തുള്ള നിയമങ്ങള്ക്കുള്ളില് നിന്നും ഡേറ്റാ സുരക്ഷ നിർബന്ധമാക്കിയാവും പ്രവര്ത്തനം.
ഇന്ത്യയില് ടിക്ക്ടോക്കിന് വലിയ വളര്ച്ച നേടാനാകുമെന്ന് ടിക്ക്ടോക്ക് ഇന്ത്യ ഹെഡ് നിഖില് ഗാന്ധി പറഞ്ഞു. ഉള്ളടക്കത്തിലുള്പ്പെടെ അടിമുടി മാറ്റവുമായാണ് പുതിയ പബ്ജി തിരിച്ചെത്തുന്നത്. ഗെയിം ഡെവലപ്പര്മാരായ പബ്ജി കോര്പ്പറേഷന് ഔദ്യോഗികമായി ഇക്കാര്യം അറിയിച്ചു. ജൂണിലാണ് ടിക്ക്ടോക്ക് അടക്കമുള്ള 58 ആപ്ലിക്കേഷനുകള് ഇന്ത്യയില് നിരോധിച്ചത്.
പബ്ജിയുടെ ഇന്ത്യയിലെ പ്രവര്ത്തനം കൈകാര്യം ചെയ്തിരുന്ന ടെന്സന്റ് ഗെയിംസുമായുള്ള കരാര് പബ്ജി കോര്പ്പറേഷന് പൂര്ണ്ണമായും അവസാനിപ്പിച്ചു. നേരത്തെയുണ്ടായിരുന്ന പബ്ജി ഗെയിം ഉപഭോക്താക്കള്ക്ക് ലഭ്യമാകില്ല. പുതിയ ഗെയിം പൂര്ണ്ണമായും പ്രാദേശിക ചട്ടങ്ങള് പാലിച്ചുള്ളതാകുമെന്നും ഉപഭോക്താക്കള്ക്ക് ഡാറ്റ സുരക്ഷ ഉറപ്പുവരുത്തുന്നതാണെന്നും പബ്ജി കോര്പ്പറേഷന് പറയുന്നു.
പബ്ജി കോര്പ്പറേഷനും മാതൃ കമ്പനിയായ ക്രാഫ്റ്റോണും ഇന്ത്യയില് ഏകദേശം 746 കോടി രൂപയുടെ നിക്ഷേപമാണ് നടത്താനുദ്ദേശിക്കുന്നത്. ഇന്ത്യയില് പുതിയ ഓഫീസ് ആരംഭിക്കാനും പബ്ജി കോര്പ്പറേഷന് ആലോചിക്കുന്നുണ്ട്.
