ന്യൂഡല്ഹി: അസ്ട്രാസെനെക വികസിപ്പിച്ചെടുക്കുന്ന 30 ദശലക്ഷം ഡോസ് കൊറോണ വൈറസ് വാക്സിന് വാങ്ങുന്നതിനായി ബംഗ്ലാദേശ് സെറം ഇന്സ്റ്റിറ്റ്യൂട്ട് ഓഫ് ഇന്ത്യയുമായി വ്യാഴാഴ്ച കരാര് ഒപ്പിട്ടു. സെറം ഇന്സ്റ്റിറ്റ്യൂട്ട് ആദ്യ ഘട്ടത്തില് തങ്ങള്ക്ക് 30 ദശലക്ഷം ഡോസുകള് നല്കുമെന്ന് ധാക്കയില് കരാര് ഒപ്പിട്ട ശേഷം ആരോഗ്യമന്ത്രി സാഹിദ് മാലെക് മാധ്യമപ്രവര്ത്തകരോട് പറഞ്ഞു.
ബംഗ്ലാദേശിലെ മരുന്ന് നിര്മാതാക്കളായ ബെക്സിംകോ ഫാര്മസ്യൂട്ടിക്കല്സ് വഴി പ്രതിമാസം അഞ്ച് ദശലക്ഷം ഡോസ് വാക്സിന് വാങ്ങുമെന്നും അദ്ദേഹം പറഞ്ഞു. ഓരോ വ്യക്തിക്കും 28 ദിവസത്തെ ഇടവേളയില് രണ്ട് ഷോട്ട് വാക്സിനേഷന് ആവശ്യമുള്ളതിനാല് ഇത് വഴി 15 ദശലക്ഷം ആളുകള്ക്ക് വാക്സിനേഷന് നല്കാന് കഴിയുമെന്നും മാലെക് പറഞ്ഞു.
