അല്‍വാര്‍: കഴിഞ്ഞ വര്‍ഷം രാജസ്ഥാനിലെ അല്‍വാറില്‍ 19 കാരിയെ ബലാത്സംഗം ചെയ്ത കേസില്‍ കുറ്റാരോപിതരായ അഞ്ച് പേര്‍ക്കും പ്രത്യേക കോടതി ജീവപര്യന്തം തടവിന് ശിക്ഷിച്ചു. കഴിഞ്ഞ ഏപ്രിലില്‍ താനഗാസിയില്‍ വച്ച് യുവതിയെ ഭര്‍ത്താവിന് മുന്നില്‍ വച്ച് ബലാത്സംഗം ചെയ്യുകയും കൂട്ടബലാത്സംഗത്തിന്റെ വീഡിയോ സോഷ്യല്‍ മീഡിയയില്‍ ഇടാതിരിക്കാന്‍ ഇരയില്‍ നിന്ന് 10,000 രൂപ ആവശ്യപ്പെടുകയും ചെയ്ത കേസിലാണ് വിധി വന്നത്.

കുറ്റകൃത്യത്തിന്റെ വീഡിയോ സോഷ്യല്‍ മീഡിയയില്‍ പ്രചരിപ്പിച്ച അഞ്ചാമത്തെ വ്യക്തിയ്ക്ക് അഞ്ച് വര്‍ഷം അധിക ശിക്ഷയും നല്‍കിയിട്ടുണ്ട്.
പട്ടികജാതി-ഗോത്ര (അതിക്രമങ്ങള്‍ തടയല്‍) നിയമപ്രകാരമാണ് കോടതി കേസുകള്‍ പരിഗണിച്ചത്.147 (കലാപം), 149 (നിയമവിരുദ്ധ കൂട്ടം ചേരല്‍), 323 (സ്വമേധയാ ഉപദ്രവമുണ്ടാക്കുന്നു), 327 (സ്വമേധയാ പരിക്കേല്‍ക്കുന്നു), 327 (സ്വമേധയാ വസ്തുവകകള്‍ കൊള്ളയടിക്കുന്നതിനോ നിയമവിരുദ്ധമായ ഒരു പ്രവൃത്തിയില്‍ ഏര്‍പ്പെടുകയോ ചെയ്യുക), 341 , 342 , 354 ബി , 365, 376 ഡി (കൂട്ട ബലാത്സംഗം), 384 (കൊള്ളയടിക്കല്‍), 395 , 506 (ക്രിമിനല്‍ ഭീഷണിപ്പെടുത്തല്‍) എന്നിവ പ്രകാരമാണ് ശിക്ഷ വിധിച്ചത്.