ജക്കാർത്ത, ജൂലൈ 8-
ഇന്തോനേഷ്യയുമായി പ്രതിരോധ, സമുദ്ര സുരക്ഷാ രംഗങ്ങളിൽ നിർണായക കരാറുകളുമായി ഇന്ത്യ മുന്നോട്ട്. ബ്രഹ്മോസ് സൂപ്പർസോണിക് ക്രൂസ് മിസൈൽ സംവിധാനവും അസ്ത്ര എയർ-ടു-എയർ മിസൈലുകളും ഇന്തോനേഷ്യയ്ക്ക് കൈമാറാനുള്ള തന്ത്രപ്രധാന നീക്കങ്ങളാണ് അന്തിമഘട്ടത്തിലേക്ക് കടക്കുന്നത്. ചൊവ്വാഴ്ച ജക്കാർത്തയിൽ പ്രധാനമന്ത്രി നരേന്ദ്ര മോദിയും ഇന്തോനേഷ്യൻ പ്രസിഡന്റ് പ്രബോവോ സുബിയാന്തോയും നടത്തിയ ഉഭയകക്ഷി ചർച്ചകളിലാണ് കരാറുകൾക്ക് അന്തിമ രൂപമായത്.
ചൈനയ്ക്ക് തടയിടാൻ തന്ത്രപരമായ നീക്കം
ഇരുരാജ്യങ്ങളും തമ്മിലുള്ള സഹകരണം കേവലം പ്രതിരോധ മേഖലയിൽ മാത്രം ഒതുങ്ങുന്നതല്ല. സമുദ്രസുരക്ഷ, നിർണായക ധാതുക്കളുടെ ഖനനം, വ്യാപാരം, സാങ്കേതികവിദ്യ തുടങ്ങിയ മേഖലകളിലും ബന്ധം കൂടുതൽ ശക്തമാക്കാൻ ചർച്ചയിൽ തീരുമാനമായി. ലോകത്തിലെ ഏറ്റവും തിരക്കേറിയ കടൽവ്യാപാര പാതകളിലൊന്നായ മലാക്ക കടലിടുക്കിന് സമീപമുള്ള സബാങ് തുറമുഖം സംയുക്തമായി വികസിപ്പിക്കാനുള്ള നീക്കമാണ് ഇതിൽ ഏറ്റവും നിർണായകം. ഇൻഡോ-പസഫിക് മേഖലയിൽ ചൈനയുടെ സ്വാധീനം വർധിച്ചുവരുന്ന സാഹചര്യത്തിൽ, ഇന്ത്യയ്ക്ക് വലിയ തന്ത്രപ്രധാന മുൻതൂക്കം നൽകുന്നതാണ് ഈ സമുദ്രസഹകരണം.
സബാങ് തുറമുഖത്തിന്റെ പ്രാധാന്യം
മലാക്ക കടലിടുക്കിന്റെ പ്രവേശന കവാടത്തിൽ സ്ഥിതി ചെയ്യുന്ന സബാങ് തുറമുഖ വികസനം ഇന്ത്യയുടെ ഗ്രേറ്റ് നിക്കോബാർ പദ്ധതിയുമായി ചേർത്താണ് വിഭാവനം ചെയ്തിരിക്കുന്നത്. ഇത് മേഖലയിലെ സമുദ്ര സുരക്ഷയും വ്യാപാരബന്ധവും കൂടുതൽ ശക്തമാക്കും. ആഗോള പ്രതിരോധ കയറ്റുമതി രംഗത്തും ഇൻഡോ-പസഫിക് മേഖലയിലെ സുരക്ഷാ ക്രമീകരണങ്ങളിലും ഇന്ത്യയുടെ നിർണായക പങ്ക് അടിവരയിടുന്നതാണ് പുതിയ കരാറുകൾ.
പൊതുവായ നിരാകരണം: ഈ വെബ്സൈറ്റിൽ പ്രസിദ്ധീകരിക്കുന്ന വാർത്തകൾ, ലേഖനങ്ങൾ, അഭിപ്രായങ്ങൾ, ചിത്രങ്ങൾ, വീഡിയോകൾ എന്നിവ പൊതുജനങ്ങൾക്ക് വിവരങ്ങൾ നൽകുന്നതിനുള്ളതാണ്. പ്രസിദ്ധീകരിച്ചിരിക്കുന്ന വിവരങ്ങൾ ലഭ്യമായ ഉറവിടങ്ങളിൽ നിന്ന് ശേഖരിച്ചതും പരമാവധി കൃത്യത ഉറപ്പാക്കാൻ ശ്രമിച്ചതുമാണ്. എന്നിരുന്നാലും, വിവരങ്ങളുടെ സമ്പൂർണ്ണ കൃത്യത, പൂർണ്ണത, കാലികത എന്നിവ സംബന്ധിച്ച് ഞങ്ങൾ യാതൊരു ഉറപ്പും നൽകുന്നില്ല.
